‘वारः २’ मा ऋतिक र जूनियर एनटीआर आमनेसामने

काठमाडौँ – यस वर्षको सबैभन्दा ठूलो बक्स अफिस युद्धका रूपमा चिनिने फिल्म ‘वारः २’ को ट्रेलर रिलिज मिति अन्ततः निश्चित भएको छ। यशराज फिल्म्सले आधिकारिक रूपमा जुलाई २४ वा २५ मा यो बहुप्रतीक्षित ट्रेलर सार्वजनिक गर्ने घोषणा गरेको छ।

यसअघि ट्रेलर हलमा रिलिज हुनु तीन साताअघि नै सार्वजनिक हुने खबरले दर्शकहरूमा उत्साह जगाएको थियो। अब यो खबरलाई औपचारिक रूपमा पुष्टि गर्दै निर्माताहरूले दुई लोकप्रिय स्टार ऋतिक रोशन र जूनियर एनटीआरको प्रशंसकहरूलाई नयाँ सरप्राइज दिएको छन्।

‘वारः २’ एक स्पाइ थ्रिलर फिल्म हो जसलाई अयान मुखर्जीले निर्देशन गरेका हुन्। यो फिल्म हिन्दी बाहेक तेलुगु र तमिल भाषामा पनि रिलिज हुँदैछ, जसले दक्षिण भारत र उत्तर भारत दुवै क्षेत्रका दर्शकहरूलाई लक्षित गरेको छ। फिल्मको कथानकमा दुई प्रमुख पात्रबीचको टक्कर र उनीहरूको रोमाञ्चक यात्रा समावेश छ।

यशराज फिल्म्सले इन्स्टाग्राममार्फत रिलिज मिति घोषणा गर्दै लेखेको छ, “बर्ष २०२५ मा भारतीय सिनेमाका दुई आइकनहरूले आफ्नो गौरवमय २५ वर्षको यात्रालाई मनाउँदैछन्। हामी २५ जुलाईमा ‘वारः २’ को ट्रेलरसँग यो विशेष अवसर मनाउँदैछौं। तपाईंहरूले क्यालेन्डरमा चिन्ह लगाउनुहोस् किनकि दुई ठूला हीरोहरू भिड्न लागेका छन्।”

यस फिल्मले बक्स अफिसमा ठूलो प्रतिस्पर्धा गर्ने छ। ‘वारः २’ रजनीकान्तको ‘कुली’सँग भिड्ने तयारीमा छ, जसले दर्शकहरूबीचको उत्साह अझ बढाएको छ।

फ्यानहरूले ‘वारः २’ को ट्रेलरलाई लिएर ठूलो चासो देखाइरहेका छन् भने निर्माताले आगामी दिनमा अझ धेरै अपडेटहरू दिने तयारी गरेका छन्।