बाहिरी खानेकुरा छोड्दा शरीरमा के हुन्छ ?

काठमाडौँ- आजको द्रुत जीवनशैलीमा धेरै मानिसहरू सजिलो, छिटो र स्वादिलो खानाको नाममा बाहिरी खानेकुरा (जस्तै: मोमो, चाउमिन, बर्गर, फ्राइड आइटम, प्याकेट चिप्स, जंक फुड, इत्यादि) तिर आकर्षित भएका छन्।

यस्ता खानामा स्वाद त हुन्छ, तर स्वास्थ्यका लागि निकै हानिकारक पनि हुन सक्छन्। यदि तपाईंले यस्ता बाहिरी खानेकुरा पूर्ण रूपमा छोड्नु भयो भने शरीरमा सकारात्मक परिवर्तनहरू देखा पर्न थाल्छन्।

१. पाचन प्रणालीमा सुधार
बाहिरी खाना प्रायः प्रशोधित, तेलिलो, मसलेदार तथा उच्च कार्बोहाइड्रेटयुक्त हुन्छ, जसले पाचन प्रणालीमा अनावश्यक दबाब सिर्जना गर्छ। यस्ता खानाले ग्यास, अपच, कब्जियतजस्ता समस्या ल्याउँछ। जब तपाईं बाहिरी खाना छोड्नुहुन्छ, तपाईंको पाचन प्रणाली फ्रेस फुड र फाइबरयुक्त खानाबाट पोषण पाउँछ, जसले गर्दा पेट हलुका महसुस हुन्छ र नियमित दिशा लाग्छ।

२. तौल घट्न थाल्छ
बाहिरी खानामा अत्यधिक चिल्लो, नुन र चिनी मिसिएको हुन्छ, जुन बोसोको रूपमा शरीरमा सञ्चय हुन्छ। यस्ता खाना बन्द गर्दा शरीरको क्यालोरी इन्टेक घट्छ र बोसो बिस्तारै कम हुन थाल्छ। यदि तपाईंले नियमित व्यायामसँगै यस्तो खानेकुरा छोड्नु भयो भने शरीरको तौल प्राकृतिक रूपमा घट्न थाल्छ।

३. छालामा चमक आउँछ
फास्ट फुड र प्रशोधित खानाले छालाको स्वास्थ्यमा नकारात्मक असर गर्छ। डन्डीफोर, पिम्पल, सुस्त छाला, चाउरीपना जस्ता समस्या यस्ता खानाबाट बढ्छन्। जब तपाईं स्वच्छ र घरको खाना खान थाल्नुहुन्छ, छालाले आवश्यक पोषण पाउँछ र अनुहारमा चमक आउँछ।

४. रोग प्रतिरोधात्मक क्षमता बढ्छ
बाहिरी खाना प्रायः संरक्षक रसायन (preservatives), कृत्रिम स्वाद र रङ मिलाइएको हुन्छ, जसले शरीरको रोग प्रतिरोधात्मक क्षमता (immunity) कमजोर बनाउँछ। जब यस्तो खाना हटाएर सन्तुलित आहार (फलफूल, सागसब्जी, दाल, होल ग्रेन्स) लिन थालिन्छ, शरीरले प्राकृतिक रूपमा रोगसँग लड्ने शक्ति बढाउँछ।

५. मस्तिष्क र मुडमा सुधार
बाहिरी खानेकुरामा रहेको ट्रान्स फ्याट, चिनी, सोडियमले दिमागमा नकारात्मक असर पुर्याउँछ, जसले तनाव, थकान र एकाग्रताको कमी ल्याउन सक्छ। यस्ता खाना बन्द गर्दा दिमाग स्वच्छ र सक्रिय महसुस गर्न थाल्छ, निद्रा सुधारिन्छ र मूड पनि सकारात्मक रहन्छ।

६. रक्तचाप र कोलेस्ट्रोलमा नियन्त्रण
फास्ट फुड, प्याकेट स्न्याक्स, प्रोसेस्ड मीट आदिमा अत्यधिक नुन र बोसो हुन्छ। यसले रगतमा कोलेस्ट्रोलको मात्रा बढाउँछ र रक्तचाप असन्तुलित बनाउँछ। यस्ता खाना छोड्दा कोलेस्ट्रोल कम हुन्छ, मुटु स्वस्थ रहन्छ र उच्च रक्तचापको जोखिम घट्छ।

७. डायबेटीजको जोखिम घट्छ
प्रशोधित खाना तथा बाहिरी खानामा ग्लाइसेमिक इन्डेक्स उच्च हुने भएकाले रगतमा चिनीको मात्रा अचानक बढ्छ। लगातार यस्तो खानाले टाइप २ डायबेटीजको खतरा बढाउँछ। घरको सन्तुलित खाना खान थालेपछि रगतमा चिनीको स्तर नियन्त्रणमा आउँछ।