काठमाडौँ- गिजाबाट रगत आउनु सामान्यजस्तो देखिए पनि यो कुनै गम्भीर दन्तसम्बन्धी समस्याको संकेत हुन सक्छ। धेरैजसो मानिसहरूले ब्रस गर्दा वा खानेकुरा चपाउँदा गिजाबाट रगत बग्ने अनुभव गरेका हुन्छन्। यस्तो अवस्थामा लापरवाही गर्नुभन्दा कारण बुझेर उचित उपचार गर्नु आवश्यक हुन्छ।
गिजाबाट रगत बग्नुको मुख्य कारण जिन्जिभाइटिस हो। यो गिजाको सतहमा बासिलो (प्लाक) जमेर हुने संक्रमण हो। यदि समयमै सफा नगरेमा प्लाकले गिजा सुन्निने, रातो हुने र रगत आउने बनाउँछ।
त्यस्तै, ब्रस गर्ने गलत तरिका, कडा ब्रस प्रयोग गर्नु, दाँत सफा नगर्ने बानी, क्याल्सियम वा भिटामिन ‘सी’ को कमी, हार्मोन परिवर्तन (विशेषगरी गर्भावस्थामा), र केही औषधिहरूको असरले पनि गिजाबाट रगत आउन सक्छ।
कहिलेकाहीँ रक्तअल्पता, मधुमेह वा रक्तस्रावसम्बन्धी रोगहरू भएका व्यक्तिमा पनि यस्तो समस्या देखिन्छ।
बच्ने उपायहरू:
- दिनमा दुईपटक सफा ब्रसले दाँत माझ्ने
- फ्लस प्रयोग गरेर प्लाक हटाउने
- नियमित रूपमा दन्त चिकित्सकलाई देखाउने
- क्याल्सियम र भिटामिनयुक्त खाना खाने
- अत्यधिक चिनीजन्य खानेकुरा नखाने
यो खबर पढेर तपाईलाई कस्तो महसुस भयो ?
प्रतिक्रिया