मुम्बई – बलिउड सुपरस्टार अक्षय कुमार अभिनीत सामाजिक कमेडी ड्रामा ओएमजी (ओ माई गड) ले आफूलाई भारतको सबैभन्दा सफल फिल्म फ्रेन्चाइजीमध्ये एकको रूपमा स्थापित गरिसकेको छ।
अहिलेसम्म यस शृङ्खलाका दुई भाग सार्वजनिक भइसकेका छन्, जसले सशक्त सामाजिक सन्देशसँगै बक्स अफिसमा उल्लेखनीय सफलता हासिल गरेका छन्।
पिंकभिल्लाको पछिल्लो रिपोर्ट अनुसार, ओएमजी ३ का लागि निर्देशक अमित राई र अक्षय कुमारले प्रि-प्रोडक्सनको काम थालिसकेका छन्। निर्देशक राई ‘भूत बंगला’ फिल्मको अन्तिम छायांकनका क्रममा अक्षयलाई भेट्न केरला पुगेका थिए, जहाँ उनले तेस्रो भागका सम्भावित कथावस्तुहरूबारे विस्तृत छलफल गरेका थिए।
रिपोर्टअनुसार, दुवैले कथानकको विभिन्न कोणहरूमा मन्थन गरे र ओएमजी ३ ले लिन सक्ने सम्भावित सामाजिक मार्गहरूबारे विचार आदानप्रदान गरेका थिए। उनीहरूको लक्ष्य, यो लोकप्रिय फ्रेन्चाइजीलाई निरन्तरता दिँदै अझ सशक्त किस्ताको रूपमा प्रस्तुत गर्नु हो।
फिल्मको स्क्रिप्ट लेखन कार्य छिट्टै सुरु हुने अपेक्षा गरिएको छ, र सबै कुरा योजना अनुसार भएमा २०२७ को दोस्रो हाफमा ओएमजी ३ लाई थियटरमा रिलिज गर्ने तयारी गरिएको छ।
त्यसैबीच, अक्षय कुमारका थुप्रै फिल्महरू प्रदर्शनको तयारीमा छन्। उनी अहिले हाउसफुल ५ मा देखिनेछन्, जुन जुन ५, २०२५ मा प्रदर्शन हुँदैछ। त्यसपछि उनीसँग सेप्टेम्बर २०२५ मा जोली एलएलबी ३, अप्रिल २०२६ मा भूत बंगला, र २०२६ मै वेलकम ३ प्रदर्शनमा आउने छन्।
अक्षय कुमारले यसै वर्ष जुन २७ मा रिलिज हुने प्यान इन्डिया चलचित्र ‘कन्नप्पा’ मा पनि केमियो भूमिकामा देखिने पुष्टि भइसकेको छ।
यो खबर पढेर तपाईलाई कस्तो महसुस भयो ?
प्रतिक्रिया