घुर्ने समस्या बन्यो तेस्रो ठूलो खतरा

काठमाडौँ। घुर्ने समस्या केवल स्वास्थ्यको विषय होइन, सम्बन्धमा पनि गम्भीर असर पार्न सक्छ। हालका अध्ययनहरू अनुसार, घुर्ने समस्या सम्बन्ध विच्छेदको तेस्रो ठूलो कारण मानिन्छ।

लगभग ४० प्रतिशत जोडीहरू घुर्ने वा निद्रासम्बन्धी असहजताका कारण छुट्टै सुत्न थालेका छन्। यसले शारीरिक दूरीसँगै भावनात्मक दूरी पनि बढाउँछ, जसले दीर्घकालीन रूपमा सम्बन्धमा दरार ल्याउन सक्छ। नियमित घुर्ने समस्या स्लीप एपनियाको संकेत हुन सक्छ, जसको समाधानको लागि चिकित्सकीय सहायता आवश्यक हुन्छ। सुत्ने बानीमा सुधार, तौल नियन्त्रण र खुलेर संवाद गर्नु यसको समाधानका उपाय हुन्।

के हो घुर्ने समस्या?
घुर्ने तब हुन्छ जब निद्राको क्रममा श्वासप्रश्वास अवरुद्ध हुन्छ। जसले गला वा नाकमा आवाज पैदा गर्छ। यो सामान्य लाग्न सक्ने समस्या वास्तवमा जोडीहरूका लागि दीर्घकालीन तनाव र असन्तुष्टि उत्पन्न गर्ने कारक बन्छ।

४० प्रतिशत जोडी सुत्छन् अलग
अनुसन्धानहरू अनुसार, लगभग ४०% जोडी घुर्ने समस्या या निद्रासम्बन्धी बाधाका कारण अलग छुट्टै कोठामा सुत्न थालेका छन्।
यो ‘sleep divorce’ भनिने प्रवृत्तिको संकेत हो, जुन हालका वर्षहरूमा तीव्र रूपमा बढिरहेको छ। सुत्ने शैली वा गुणस्तर बिग्रँदा पारस्परिक सम्पर्क र सन्तुष्टि घट्न सक्छ, जसले सम्बन्धमा दूरी बढाउँछ।

किन घुर्ने समस्या सम्बन्धमा असर पुर्‍याउँछ?
निद्रामा बाधा – नियमित रूपमा निद्रा नपुग्दा चिडचिडापन र तनाव बढ्छ।
शारीरिक दूरी – छुट्टै सुत्न थालेपछि आत्मीयता घट्न सक्छ।
संवादको अभाव – सुत्नुअघिको कुराकानी वा स्पर्श कम हुँदा भावनात्मक सम्बन्ध कमजोर हुन सक्छ।
निराशा र झगडा – घुर्ने समस्या समाधान नगरेकोमा एक अर्कामा गुनासो र रिस उठ्न सक्छ।

समाधान के छ?
चिकित्सकको सल्लाह लिनुहोस् – स्लीप एपनिया वा स्वास्थ्य समस्याको संकेत हुन सक्छ।
सुत्ने बानी सुधार गर्नुहोस् – सही तर्फ फर्किएर सुत्नु, तौल घटाउने प्रयास गर्नु लाभदायक हुन सक्छ।
इमानदार संवाद गर्नुहोस् – समस्या लुकाउने होइन, मिलेर समाधान खोज्ने।