काठमाडौँ। चर्चित गायिका शान्ति श्री परिवार र गायक हेमराज थापा बाबुराजाको स्वरमा रहेको लोक दोहोरी डान्सिङ गीत “मुटु मै लेखे” को भिडियो सार्वजनिक भएको छ।
देव बोहरा र गायक हेमराज थापा (बाबुराज) संयुक्त शब्द रहेको गीतमा गायक हेमराज थापाले नै संगीत भरेका छन्। उक्त गीतलाई पुस्कर खत्रीले एरेञ्ज गरेका छन्। भिडियोमा चर्चित मोडल कैलाश कठायत र सालिना खत्रीले अभिनय गरेका छन्।
यो गीतले दर्शक–श्रोताको मन जित्ने विश्वास लिइएको मोडल कैलाश कठायतले बताएका छन्। उनले भने ‘मन छुने शब्द, सुमधुर संगीत र रमाइलो नृत्य समेटिएको यो गीतलाई दर्शकको मन मुटुमा बस्ने बिश्वास गरेको समेत बताएका छन्।
लोक संस्कृतिको झल्को दिने यस प्रकारका गीतहरूले नेपाली मौलिकता र पहिचानलाई समेट्दै अघि बढिरहेको पाइन्छ। दुर्गा पौडेलले छायांकन गरेको भिडियोलाई राजेश कुमारले सम्पादन गरेका छन्। उक्त भिडियोलाई राज़ आलेले कोरियोग्राफी गरेका हुन् । उक्त भिडियोलाई शेर साउदले निर्देशन गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया