धेरै चाउमिन खाँदा वान्ता किन हुन्छ? यस्ता छन् मुख्य कारणहरू

काठमाडौँ। चाउमिन स्वादिलो र सजिलै पाइने खाजाको रूपमा लोकप्रिय भए पनि अत्यधिक वा असन्तुलित रूपमा खाँदा यसले स्वास्थ्यमा नकारात्मक असर पार्न सक्छ। विशेषगरी धेरै चाउमिन खाँदा वान्ता हुने समस्या सामान्यजस्तै देखिए पनि यसका पछाडि गम्भीर कारणहरू हुन सक्छन्।

प्रमुख कारणहरू

१.अत्यधिक तेल र मसला
चाउमिन पकाउँदा धेरै जसो समय धेरै तेल, सोया सस, अजिनोमोटो र मसला प्रयोग गरिन्छ।
यस्ता तत्वहरूले पेटको पाचन प्रणालीलाई उत्तेजित गर्छन्। जसले ग्यास, अपच, पेट दुख्ने र अन्ततः उल्टी हुने अवस्था निम्त्याउन सक्छ।

२.अजिनोमोटोको असर
धेरै चाउमिनमा स्वाद बढाउन अजिनोमोटो हालिन्छ। जुन केही व्यक्तिको शरीरमा सहनशील हुँदैन।
यसले ‘Chinese Restaurant Syndrome’ जस्तो लक्षण ल्याउन सक्छ — टाउको दुखाइ, घाँटी सुक्खा हुनु, पेट फुल्नु, वान्ता आउनु आदि।

३.सफा नहुनु वा संक्रमित सामग्री प्रयोग हुनु
बजारमा पाइने चाउमिनमा प्रयोग हुने तरकारी, च्याउ, अण्डा वा मासु कहिलेकाहीँ राम्रोसँग नधोइएको वा बिग्रेको हुन्छ।
यस्तो अवस्थामा ब्याक्टेरिया जस्तै E.coli, Salmonella आदि संक्रमण हुनसक्छ, जसले उल्टी गराउँछ।

४.अत्यधिक वा छिटो–छिटो खाँदा
चाउमिन चपाउन नपुगी छिटो खाइयो भने पाचनमा कठिन हुन्छ।
पेटमा अत्यधिक बोझ पर्छ, जसले ग्यास, अपच र वान्ति उत्पन्न गर्न सक्छ।

५.पुरानो वा बिग्रेको तेल प्रयोग
बजारमा एउटै तेल पटक–पटक तताएर प्रयोग गरिन्छ, जसले टक्सिन (विषाक्त तत्व) बनाउँछ।
यसले पेटमा जलन र वान्तिको कारण बन्छ।