के तपाईंलाई गर्मीमा युरिक एसिडको समस्या छ ?

काठमाडौँ – गर्मी मौसम सुरु हुने बित्तिकै धेरैलाई जोर्नी दुख्ने, सुन्निने र हिँडडुल गर्न गाह्रो हुने समस्या हुन थाल्छ। यसको एउटा प्रमुख कारण शरीरमा युरिक एसिडको वृद्धि हुन सक्छ। जब युरिक एसिड धेरै मात्रामा बन्न थाल्छ वा राम्रोसँग बाहिर निस्कन सक्दैन, यो जोर्नीहरूमा जम्मा हुन थाल्छ। जसले गर्दा असह्य पीडा र सुन्निने हुन्छ।

समयमै ध्यान दिइएन भने यो समस्या बढ्न सक्छ। तर आत्तिनु पर्दैन, उचित आहार अपनाएर यसलाई नियन्त्रण गर्न सकिन्छ। यो समस्याबाट राहत दिन सक्ने यी ५ तरकारीहरूको बारेमा जानौं।

काँक्रो
गर्मीमा काँक्रो स्वास्थ्यको लागि धेरै फाइदाजनक हुन्छ। यसमा ९०% भन्दा बढी पानी हुन्छ। यसले शरीरलाई हाइड्रेटेड राख्छ र विषाक्त पदार्थहरू बाहिर निकाल्न मद्दत गर्छ। गर्मी मौसममा युरिक एसिड नियन्त्रण गर्न काँक्रोको रस पिउन वा सलादको रूपमा खान सक्नुहुन्छ। यसले शरीरबाट अतिरिक्त एसिड बाहिर निकाल्न मद्दत गर्छ र जोर्नी दुखाइ कम गर्छ।

गोलभेंडा
धेरै मानिसहरू गोलभेंडा खाँदा युरिक एसिड बढ्छ भन्ने विश्वास गर्छन् तर यो गलत धारणा हो। वास्तवमा गोलभेडामा भिटामिन सी र एन्टिअक्सिडेन्ट हुन्छ, जसले युरिक एसिड नियन्त्रण गर्न मद्दत गर्छ। यसले शरीरको pH स्तरलाई सन्तुलित गर्छ। यसले युरिक एसिड जम्मा हुनबाट रोक्छ। तपाईं गोलभेडालाई सलाद, जुस वा तरकारीको रूपमा सेवन गर्न सक्नुहुन्छ।

कागती
कागतीलाई शरीरको प्राकृतिक डिटोक्सिफायर भनिन्छ। यसमा भिटामिन सी प्रशस्त मात्रामा पाइन्छ, जसले युरिक एसिडलाई घुलनशील बनाउन र शरीरबाट बाहिर निकाल्न मद्दत गर्छ। कागतीको रस पिउनाले शरीरमा क्षारीय प्रभाव पर्छ। जसका कारण युरिक एसिड कम हुन थाल्छ। यदि तपाईं यो समस्याबाट बच्न चाहनुहुन्छ भने, मनतातो पानीमा कागती निचोरेर हरेक बिहान पिउनुहोस्। यसले शरीरलाई डिटोक्सिफाइ गर्न र युरिक एसिड नियन्त्रण गर्न मद्दत गर्नेछ।

लौका
यदि तपाईं युरिक एसिड नियन्त्रण गर्न चाहनुहुन्छ भने आफ्नो खानामा लौका अवश्य समावेश गर्नुहोस्। यो हलुका र सजिलै पच्ने हुन्छ। यसमा पानीको मात्रा धेरै हुन्छ। यसले शरीरबाट युरिक एसिड हटाउन मद्दत गर्छ। तपाईं लौकाको तरकारी बनाउन सक्नुहुन्छ वा यसको रस पिउन सक्नुहुन्छ। यो दुवै तरिकाले फाइदाजनक छ।

परवल
परवलले शरीरबाट विषाक्त पदार्थहरू हटाउन मद्दत गर्छ र युरिक एसिडको स्तर नियन्त्रणमा राख्छ। यसमा फाइबर र खनिजहरू हुन्छन्। यसले पाचन प्रणालीलाई बलियो बनाउँछ। गर्मीमा हल्का परवल भुजिया वा तरकारी खानुहोस्, यसले पाचन राम्रो राख्छ र युरिक एसिड बढ्ने सम्भावना कम हुन्छ।