यार्सागुम्बा सेवनका अनेकौं फाइदाहरु

काठमाडौँ। यारसा गुम्बा (Cordyceps Sinensis) एक प्रकारको औषधीय जडीबुटी हो। यार्सागुम्बा भनेको हिमाली भेकमा पाइने ढुसी र झुसिल्किरा एकै ठाउँमा जोडिएर रहेको बस्तु हो । यसमा ढुसी र झुसिल्किरा परस्परमा आश्रति भएका हुन्छन् । यार्सागुम्बाको जीवनचक्रका सम्बन्धमा बनस्पतिविदहरूका अनुसार यो ६ महिना किरा र ६ महिना बनस्पति भएर रहन्छ ।

त्यसरी  हेर्दा बनस्पति जिवित रहे प्राणी मर्ने र प्राणी जिवित रहे बनस्पति मर्ने हुन्छ । जमिनमा रहेका पुराना यार्सागुम्बाबाट हावामा प्रशस्त बीऊहरू फैलिरहन्छन् । यी बीऊहरू एक प्रकारका पुतली, झुसिल्किराको शरीरमा टाँसिन्छन् र त्यहीँ उम्रन्छन् ।

यी बीऊहरू उम्रेपछि यिनका जराहरू झुसिल्किराको शरीरमा फैलन्छन् त्यस समयसम्म झुसिल्किरा हिडडुल गरिरहेकै हुन्छ । यसरी यो बनस्पतिको जराहरूले झुसिल्किरालाई पुरै ढाक्दै गएपछि झुसिल्किरा जमिनभित्र गएर मर्छ । झुसिल्किरा जमिनमा मरिसके पछि बनस्पतिले आनो आहारा त्यही झुसिल्किराको शरीरबाट लिन्छ र बनस्पति विकसित हुन्छ अर्थात माटो माथि जिवित रहन्छ माटो मुनी मर्छ ।

माटो माथिको बनस्पति माटोमुनिको प्राणीको टाउकोबाट पलाएको हुन्छ यसको रङ्ग कालो हुन्छ जसको टुप्पोमा सानासाना प्वालहरू हुन्छन् ती प्वाल भित्र लामा लामा थैला हुन्छन् र प्रत्येक थैलामा मसिना मसिना लामा लामा बीऊ हुन्छन् ।

यसका प्रमुख फाइदाहरु:
-शक्ति र एनर्जी: यारसा गुम्बाले शरीरको उर्जा स्तरलाई बढाउँछ र थकान कम गर्छ।
-हार्मोन सन्तुलन: यारसा गुम्बा हार्मोनहरूको सन्तुलनमा मद्दत गर्छ। विशेष गरेर टेस्टोस्टेरोन र एड्रेनालिनको स्तरलाई वृद्धि गर्ने क्षमता राख्छ।
-मुटुलाई स्वास्थ्य राख्छ: यसले रक्तदाब कम गर्न र हृदयको रक्त सञ्चारमा सुधार ल्याउन मद्दत गर्छ।
-शारीरिक सहनशीलता बढाउँछ: यारसा गुम्बाले खेलकुद गतिविधिहरूमा सहनशीलता र प्रदर्शन सुधार गर्न मद्दत पुर्याउँछ।
-स्मरण शक्ति बढाउँछ: यसले मानसिक स्पष्टता र ध्यान सुधार्न मद्दत गर्दछ।
-रोग प्रतिकारक क्षमता बढाउँछ: यसले शरीरलाई रोगको कारण बन्ने पारा र टोक्सिन्सबाट सुरक्षा पुर्याउँछ।
-पाचन प्रक्रियामा मद्दत: पाचन प्रक्रियामा मद्दत गर्छ र अपच र पेटको गडबडीलाई कम गर्न मद्दत पुर्याउँछ।
-कलेजोलाई स्वास्थ्य राख्छ : लिभरलाई डिटोक्सिफाइ गरेर यसलाई स्वस्थ राख्न मद्दत गर्छ।
-ब्लड सुगर नियन्त्रण: यो मधुमेहको रोगीहरूका लागि राम्रो मानिन्छ, जसले ब्लड सुगरको स्तरलाई नियन्त्रण गर्न मद्दत पुर्याउँछ।
-शरीरको अनुकूलता बढाउँछ: यारसा गुम्बाले शरीरको अनुकूलता र जीवन शक्ति बढाउँछ।
-श्वासप्रश्वास प्रणालीलाई मद्दतर: यसले श्वासप्रश्वास प्रणालीलाई स्वस्थ राख्न मद्दत गर्छ।