राजेश खन्ना र अभिताभले रिजेक्टपछि अनिल कपुरले पाएका थिए मिस्टर इन्डिया

काठमाडौँ – शेखर कपुरले १९८७ मा बोनी कपूर र सुरिंदर कपुरले निर्माण गरेको फिल्म निर्देशन गरेका थिए । यो फिल्म सलिम जावेदले लेखेका थिए र त यो फिल्म व्यावसायिक रूपमा सफल भयो कि बक्स अफिसमा वर्षको दोस्रो सबैभन्दा धेरै कमाउने फिल्म बन्यो।

खासमा २ करोडमा बनेको फिल्मले १० करोड कमाएको थियो । यो छिमेकी देश चीनमा पनि सुपरहिट भएको थियो। यस फिल्ममा मुख्य कलाकारलाई निकै रुचाइएको थियो । हामी कल्ट क्लासिक ‘मिस्टर इन्डिया’ को कुरा गर्दैछौं, जसमा अनिल कपूर, श्रीदेवी र अमरिश पुरीले उत्कृष्ट प्रदर्शन गरेका थिए ।

मोगाम्बोको भूमिकामा अमरीश पुरीले धेरै ताली बटुलेका थिए र उनको संवादलाई पनि धेरै मन पराइएको थियो । अनिलले यस फिल्मबाट स्टारडम पाए, तर के तपाईंलाई थाहा छ उनी यो भूमिकाका लागि पहिलो रोजाइ भने थिएनन् ।

रिपोर्टका अनुसार ‘मिस्टर इन्डिया’ मा मुख्य भूमिकाका लागि राजेश खन्नाको नाम सबैभन्दा पहिले विचार गरिएको थियो। वास्तवमा, सलिम जावेदले उनका लागि भनेर यो स्क्रिप्ट लेखेका थिए। तर, एक वर्षपछि राजेश खन्नाले आफू यो भूमिकाका लागि उपयुक्त नभएको महसुस गरे । त्यसैले, उसले अरू कसैलाई सम्पर्क गर्ने सुझाव दिए ।

राजेश खन्ना पछि यो भूमिका अर्को सुपरस्टारलाई अफर गरिएको थियो । सलिम जावेदले स्क्रिप्ट लिएर अमिताभ बच्चनसँग पनि सम्पर्क गरेका थिए। अमिताभ बच्चनलाई यो स्क्रिप्ट मन पर्यो तर सुपरहिरो विधाको बारेमा निश्चित थिएनन्। त्यसैले उनले फिल्म अस्वीकार गरिदिए । अमिताभ बच्चनले अस्वीकार गरे पछि स्क्रिप्ट बोनी कपूरकोमा गयो तर उनले नायकको भूमिकाका लागि आफ्नो भाइ अनिल कपुरको नाम सुझाए । अनिललाई पनि स्क्रिप्ट मन पर्यो र तुरुन्तै यो फिल्म गर्न राजी भए।

मिस्टर इन्डिया एक ठूलो सफलता थियो। यस फिल्मबाट निर्देशक र कलाकारलाई निकै फाइदा भएको छ । यसको दुर्लभ सुपरहिरो विधाको लागि हिन्दी सिनेमामा कोसेढुङ्गा बन्यो, त्यस पछिका वर्षहरूमा धेरै भारतीय फिल्महरू बनेका थिए । यसलाई तमिलमा एन रथथिन रथमे (१९८९) र कन्नडमा जय कर्नाटक (१९८९) को रूपमा पुन निर्माण गरिएको थियो।