काठमाडौँ – तेलुगु, तमिल र हिन्दी फिल्ममा काम गरेपछि श्रुति हसन अब हलिउडमा डेब्यु गर्दैछिन् । नायिका चाँडै नै अन्तर्राष्ट्रिय फिल्म ‘द आई’ मा देखिने भएकी छिन् । हालै श्रुतिले आफ्नो ३९ औं जन्मदिन मनाएकी छिन् । उनको जन्मदिनको विशेष अवसरमा निर्माण पक्षले उनको फिल्मको फर्स्ट लुक सार्वजनिक गरेको छ ।
अभिनेत्रीको फर्स्ट लुक सेयर गर्दै फिल्मका निर्देशक डाफ्ने स्मोनले आफ्नो आधिकारिक इन्स्टाग्राम ह्यान्डलमा लेखेकी छिन्– ‘ह्याप्पी बर्थडे, आश्चर्यजनक र साहसी श्रुति हासन, हाम्रो डायना। लन्डन, ग्रीस, अमेरिका र भारतका सबैजनाले तपाईंलाई माया गर्छन् र सधैं यो विशेष दिनमा तपाईंलाई मनाउन चाहन्छन्।
पोस्टमा कमेन्ट गर्दै श्रुति हासनले निर्देशकलाई धन्यवाद दिएकी छिन् ।
श्रुति हासन फिल्म ‘द आई’मा डायनाको भूमिकामा देखिनेछिन् । पहिलो लुक पोस्टरमा अभिनेत्री नीलो रंगको हाई नेक स्वेटरमा गम्भीर रूपमा देखिएकी छिन्। यस मनोवैज्ञानिक थ्रिलरमा श्रुतिसँगै हलिउड अभिनेता मार्क राउली, हलिउड अभिनेत्री लिन्डा मार्लो र पेरु काभालिरी पनि मुख्य भूमिकामा छन् ।
फिल्मको कथा एक युवती विधवामा आधारित छ । जो टापुमा फर्कन्छिन्, जहाँ उनको पतिको मृत्यु भयो। यो फिल्म १२ अक्टोबर २०२३ मा लन्डन इन्डिपेन्डेन्ट फिल्म फेस्टिभल र ग्रीक अन्तर्राष्ट्रिय फिल्म फेस्टिभलमा प्रदर्शन गरिएको थियो। फिल्मले धेरै प्रशंसा बटुलेको छ ।
फिल्म ‘द आई’ बाहेक श्रुति हसन उनको आगामी फिल्म ‘कुली’ मा देखिनेछिन् । चलचित्रलाई लोकेश कनागराजले निर्देशन गरेका हुन् । फिल्म कुलीमा सुपरस्टार रजनीकान्त, नागार्जुन, सौबिन शाहीर, उपेन्द्र, सत्यराज, रेबा मोनिका जोन र जुनियर एमजीआर पनि मुख्य भूमिकामा देखिने छन्।
यो खबर पढेर तपाईलाई कस्तो महसुस भयो ?
प्रतिक्रिया