सभापति कपमा आज संकटा र मच्छिन्द्र क्लबबीच प्रतिस्पर्धा

काठमाडौँ- सभापति कमपमा आज संकटा क्लब र मच्छिन्द्र क्लबबीच प्रतिस्पर्धा हुँदैछ । लोकतान्त्रिक खेलकुद सङ्घको आयोजनामा राजधानीमा जारी सभापति कप फुटबल प्रतियोगितामा आज संकटा र मच्छिन्द्र भीड्न लागेका हुन् ।

खेल त्रिपुरेश्वरस्थित दशरथ रङ्गशालामा साँझ साढे ५ बजेबाट शुरु हुनेछ । नेपाली काँग्रेसका सभापतिको नाममा सञ्चालित नकआउट प्रतियोगिताको विजेताले नगद २६ लाख रुपैयाँ पाउने आयोजकले जनाएको छ ।

यसैगरी उप विजेता टोलीले १३ लाखमा चित्त बुझाउने छ । प्रतियोगितामा प्रत्येक खेल खेल्ने टोलीले नगद ५० हजार पाइरहेका छन् ।