काममा हिड्न थाले सैफ अली खान

काठमाडौँ- गत जनवरी १६ मा मुम्बईको बान्द्रामा अज्ञात व्यक्तिले चक्कु प्रहार गरेपछि सैफ अली खान घाइते भएका थिए । अस्पतालमा उपचारपछि उनी घर फर्केका थिए ।

यसपछि २६ जनवरीमा उनी पहिलो पटक पत्नी करीना कपूर खानसँग बाहिर निस्किएको भिडियो सार्वजनिक भएको छ ।

पापाराजीले सेयर गरेको भिडियोमा सैफ अली खान आफ्नो बान्द्राको घरबाट बाहिर निस्केको देखिन्छ । भिडियोमा ग्रे रंगको स्वेटसर्ट र टोपी लगाएकी करिना सैफको अगाडि कारमा बसेकी थिइन् । भिडियोमा सैफ जिन्स र नीलो शर्टमा देखिएका थिए र उनको वरिपरि सुरक्षाकर्मीको टोलीसमेत रहेको थियो । भिडियोमा उनीहरु चढेको कारसँगै अर्को कार पनि उनको घरको गेटबाट बाहिर सँगसँगै निस्किएको थियो ।

अर्को भिडियोमा भने करीना आफ्नो फिंगरप्रिन्टले अपार्टमेन्टको लबीको ढोका खोल्दै देखिएकी छिन् । जहाँ अन्य कर्मचारीहरु कार्ड लिएर सैफको लागि ढोका खोलेको देखिन्छ ।