काठमाडौँ– भारतमा जारी पहिलो खो खो विश्वकपमा आज नेपालको पुरुष र महिला दुवै टिम फाइनलमा भिड्दैछन् । दुवैतर्फ नेपाल र भारतबीच प्रतिस्पर्धा हुनेछ ।
भारतको नयाँ दिल्लीस्थित इन्दिरा गान्धी इन्डोर हलमा हुने खेलमा नेपाल विजयी भए यो ऐतिहासिक उपलब्धि हुनेछ । नेपालको महिला र पुरुष टोली नै फाइनलमा पुगेपछि यसको व्यापक चर्चा भइरहेको छ ।
आजको फाइनल खेल महिलातर्फ बेलुका ७ बजे हुनेछ भने पुरुषतर्फ बेलुका ८:१५ मा शुरु हुनेछ ।
महिलातर्फ नेपाल समूह ‘सी’ अपराजित रहेको छ । नेपालले सेमिफाइनलमा युगाण्डालाई पराजित गर्दै फाइनलमा प्रवेश गरेको हो भने पुरुष टोलीले एक खेलमा हार बेहोर्यो । पुरुषतर्फ नेपाल समूह ‘ए’ क्वाटरफाइनलमा बङ्गलादेश र सेमिफाइनलमा इरानलाई हराउँदै फाइनलमा पुगेको हो ।
यो खबर पढेर तपाईलाई कस्तो महसुस भयो ?
प्रतिक्रिया