श्रीमान सिद्धार्थ मल्होत्राको जन्मदिनमा रोमान्टिक भइन् कियारा, तस्बिरहरू सेयर गर्दै भनिन् – ‘जन्मदिनको शुभकामना सोलमेट’

काठमाडौँ – बलिउड अभिनेता सिद्धार्थ मल्होत्राको ४० औं जन्मदिनकाे अवसरमा अभिनेत्री कियारा आडवाणीले पतिलाई धेरै विशेष जन्मदिनको शुभकामना दिएकी छिन्।

बलिउडका उत्कृष्ट अभिनेता सिद्धार्थ मल्होत्राले हिजो आफ्नो ४० औं जन्मदिन मनाए। जन्मदिनकाे अवसरमा उनलाई फ्यानहरूले धेरै बधाई दिए। अभिनेताकी श्रीमती कियारा आडवाणीले पनि उनलाई विशेष तरिकाले शुभकामना दिइन्।

कियारा आडवाणीले जन्मदिनमा आफ्नो पति सिद्धार्थ मल्होत्रासँगको धेरै तस्विरहरू पनि आफ्नो इन्स्टाग्राम अकाउन्टमा सेयर गरेकी छिन्।

सेयर गरेका तस्बिरहरूमा, कुनैमा सिद्धार्थ एक्लै पोज दिइरहेका छन्, भने कुनै तस्बिरहरूमा उनी आफ्नी श्रीमती कियारासँग रोमान्टिक भएको देखिन्छन् । सिद्धार्थ र कियाराका यी तस्बिरहरू उनीहरूको छुट्टीका हुन्। जसमा दुवै फरक-फरक स्थानमा घुमिरहेको देखिएको थियो।

एउटा तस्बिरमा दुवै जना साइकलमा बसिरहेका छन्। जसमा सिद्धार्थ आफ्नी श्रीमती कियारालाई चुम्बन गरिरहेको देखिन्छन्।सिद्धार्थसँगका यी सुन्दर तस्बिरहरू सेयर गर्दै कियाराले क्याप्सनमा लेखेकी छिन्, ‘जन्मदिनको शुभकामना सोलमेट..’

दुवैका फ्यानहरूले कियारा र सिद्धार्थको केमेस्ट्रीलाई धेरै माया गरिरहेका छन्। कामकाे कुरा गर्ने हाे भने कियारा आडवाणी अन्तिम पटक हालै रिलिज भएको फिल्म ‘गेम चेन्जर’ मा देखिएकी थिइन्। जसले बक्स अफिसमा धेरै राम्रो पैसा कमाइरहेको छ।