सैफ अली खानलाई आईसीयूबाट विशेष कोठामा सारियो, संक्रमणको जोखिम भएपछि भेटघाटमा रोक

काठमाडौँ – मुम्बईको लीलावती अस्पतालमा भर्ना भएका अभिनेता सैफ अली खानको स्वास्थ्यमा सुधार आएको छ। डाक्टरले सैफलाई आईसीयूबाट विशेष कोठामा सारेका छन्।

लीलावती अस्पतालका डाक्टरका अनुसार अभिनेताको घाउ गहिरो छ र संक्रमणको जोखिम छ, त्यसैले उनलाई बाहिरी व्यक्तिहरूलाई भेट्नबाट रोक लगाइएको छ।

आज आयोजित पत्रकार सम्मेलनमा लीलावती अस्पतालका प्रमुख अपरेटिङ अफिसर डा. नीरज उत्तमणीले अभिनेतालाई अस्पताल ल्याउँदा उनी रगतमा लतपतिएको तर यो अवस्थामा पनि उनी सिंह जस्तै हिँडिरहेको बताए।

डाक्टर नीरजले भने, “तपाईंहरू सबैलाई एउटा कुरा भन्नु धेरै महत्त्वपूर्ण छ। जब सैफ साहब अस्पताल आए, म उनलाई पहिलो पटक भेट्ने डाक्टरहरू मध्ये एक थिएँ। उनको पुरै शरीर रगतले लतपतिएको थियो।

उनले अगाडि भने, “मलाई लाग्छ फिल्ममा हिरो हुनु फरक कुरा हो र वास्तविक जीवनमा फरक कुरा हो। जब उनलाई घरमा आक्रमण गरियो, उनले रियल हिरो जस्तै व्यवहार गरे।” पत्रकार सम्मेलनमा डा. नीरजसँगै अभिनेताको शल्यक्रिया गर्ने लीलावतीका प्रमुख सर्जन डा. नितिन डाँगे, ट्रस्टी प्रशान्त मेहता लगायत सम्पूर्ण टोली उपस्थित थिए।

डा. नितिन डांगेले भने, “सैफको अवस्था सुधार हुँदैछ र उनी ठीक छन्। हामीले उनलाई के गर्ने र के नगर्ने भनेर बताएपछि आईसीयूबाट विशेष कोठामा सारेका छौं। उनको मेरुदण्डमा चोट लागेको छ, जुन निको हुँदै गइरहेको छ। यद्यपि, संक्रमणको सम्भावना छ, त्यसैले उनलाई भेट्न आउने मानिसहरूलाई रोकिएको छ ताकि संक्रमणको जोखिम नहोस्।

डाक्टरले थप भने, “सैफलाई चाँडै पूर्ण रूपमा निको हुन आराम चाहिन्छ। हामीले उनलाई आराम गर्न सल्लाह दिएका छौं। आज सैफ अलिकति हिँडे पनि र यस क्रममा उनले कुनै असुविधाको सामना गरेनन् न त धेरै पीडा नै महसुस गरे। ”