बर्दिवासमा आजदेखि दोश्रो मेयर कप प्रतियोगिता सुरु

महोत्तरी – क्रिकेटमा अब्बल बन्दै आएका मधेश प्रदेशका पालिकाहरूले यसको विकास र खेलाडी उत्पादनमा ध्यान दिन थालेका छन् । पछिल्लो समय बाक्लै आयोजना हुँदै आएको क्रिकेट प्रतियोगिताहरुले पनि यसलाई पुष्टि गरेको छ ।

यसै क्रममा आजैदेखि महोत्तरीको बर्दिवासमा दोश्रो मेयर कपको रुपमा वडास्तरिय क्रिकेट खेल प्रतियोगिताको आयोजना गरिएको छ । पालिकामा खेलाडीहरुको पहिचान र नविन खेलाडीहरुको उत्पादन गर्ने उदेश्यले नगरको आर्थिक सहयोगमा श्री सर्च-४४ खेलकुद तथा सांगितिक समुहको आयोजनामा पालिकाका १३ समूहविच प्रतियोगिता हुँदै छ ।

४ लाख खर्चको अनुमान गरिएको प्रतियोगितामा विजेतालाई ५१ हजार र उपविजेतालाई २५ हजार नगद पुरुस्कारको समेत व्यवस्था गरिएको खेल संयोजक इमेश साह ९अनिल०ले जानकारी दिए ।

माघ ९ गतेसम्म जारी रहने उक्त खेल आजवाट औपचारिक सुरुवात गरिने आयोजक पक्षले जनाएको छ । आयोजक संस्थाका अध्यक्ष योगेश हमालका अनुसार प्रतियोगिता एउटा प्रक्रिया भएतापनि क्रिकेटमा खेलाडीहरुको उत्पादन गर्नु नै प्रमुख उदेश्य रहेको छ ।