ओटीटीमा पुष्प २ः द रूल कहिले आउला ?

काठमाडौँ- अल्लु अर्जुनको पुष्प २ः द रूलले विश्वभरका थिएटरहरूमा राम्रो कमाइ गरेको छ । अझै धेरै दर्शकहरु पुष्प २ः द रूल ओटीटीमा हेर्न प्रतिक्षामा छन् । ओटीटीमा रिलिज हुने प्रतिक्षामा रहेका दर्शकहरुका लागि ठूलो खबर आएको छ ।

ओटीटीमा पुष्पा २ः द रूल रिलिज हुने मितिबारे चर्चा शुरु भएको छ । भर्खरै पुष्पा २ः द रूलका निर्माताले फिल्म कम्तिमा ५६ दिन ओटीटीमा रिलिज नहुने पुष्टि गरेका थिए । यस्तो अवस्थामा जनवरी २५ मा पुष्पा २ः द रूलको पनि ५६ दिन पूरा हुनेछ ।

यसपछि अल्लु अर्जुन र रश्मिका मन्डन्नाको फिल्म ३० जनवरी २०२५ मा सबै प्रमुख भारतीय भाषाहरूमा नेटफ्लिक्समा रिलिज हुने भारतीय सञ्चार माध्यमले जनाएका छन् । यद्यपि निर्माताका तर्फबाट यसबारे अहिलेसम्म कुनै आधिकारिक घोषणा गरिएको छैन ।

माइथ्री मुभी मेकर्सले उच्च बजेटमा निर्माण गरेको यो फिल्ममा अल्लु अर्जुनसँगै रश्मिका मन्डन्ना, फहद फासिल, राव रमेश, जगपति बाबु, सुनील र अनसूया भारद्वाजजस्ता कलाकार मुख्य भूमिकामा रहेका छन् ।