सीता सुवेदीकाे ‘सत्य राम राम'(भिडियाे)

काठमाडाैँ- एक खुट्टामै नृत्य गरेर शास्त्रीय नृत्यांगनाका रुपमा राष्ट्रिय तथा अन्तर्राष्ट्रिय क्षेत्रमा ख्याति कमाएकी सीता सुवेदीकाे गीत ‘सत्य राम राम’ म्युजिक भिडियाेसहित सार्वजनिक भएकाे छ ।

हालै सार्वजनिक गरिएको गीतमा सुवेदीलाई स्वरमा साथ गायक प्रताप दासले दिएका छन् । गीतमा सुवेदीकै लय, मानकाजी शाक्यको शब्द र सङ्गीत संयाेजन पवन रानाभाटको रहेको छ। माया प्रेमकाे मीठो लय सहितको लोक भाकामा सार्वजनिक यस गीतले नेपाली लोकपनको मीठो सङ्गम गराउने जमर्काे गरिएकाे गायिका सुवेदीकाे भनाइ छ ।

करण साउदकाे निर्देशन रहेकाे गीतको भिडियोमा सिनेमाटोग्राफीमा निलकण्ठ सुवेदी र सम्पादन तथा पोस्टप्रोडक्सन ए के प्रोडक्सन नेपालले गरेकाे हाे । सुवेदीको आफ्नै युट्युब च्यानलबाट सार्वजनिक गरिएको गीतकाे भिडियोमा रविना थापा, प्रकाश दुरा, अशोक पङ्गेनी सहित सुवेदीको आफ्नै अभिनय समेत देख्न सकिन्छ ।

त्रिभुवन विश्वविद्यालयको ललितकला केन्द्रीय विभाग अन्तर्गत सङ्गीतमा उनले स्नातकोत्तर समेत गरेकी छिन् । उनका झण्डै आधा दर्जन गीतहरु रेकर्ड भएका छन् । केही समयअघि मात्र उनकाे ‘मार्याै आँखा झिमिक्कै’ बाेलकाे गीत सार्वजनिक भएकाे थियाे ।

भिडियाे :