कहिले आउँदैछ नेटफिल्क्सको चर्चित ड्रामा ‘स्क्वीड गेम’ को अर्को भाग?

काठमाडौँ– नेटफिल्क्सको चर्चित सिरिज ‘स्क्वीड गेम २’ रिलिज भइसकेको छ । यो सिरिजले नेपालमा मात्र होइन, विश्वभर नै तहल्का मच्चाइरहेको छ ।

विश्वकै सर्वाधिक हेरिनेमध्ये पर्ने नेटफिल्क्सको यो कोरियन ड्रामा सिरिजमा पैसाका लागि आफ्नो ज्यान दाउमा राख्ने खेलाडीले खेल्ने एक गेम देखाइएको छ । सबैलाई जितेर विजेता बन्ने खेलाडीले ४५.६ बिलियन कोरियन वन कमाइ गर्छ ।

सिरिजको पहिलो भागमा गेमलाई मुख्य प्राथमिकता बनाइएको थियो भने दोस्रो भागमा आइपुग्दा रक्तपात र झगडा अझै बढी भएको देखाइएको छ । एकपछि अर्को आउने सस्पेन्सले यो सिरिजलाई उत्तिकै रोचक पनि बनाइदिन्छ ।

यसैबीच स्क्वीड गेम को फाइनल सेसन सन् २०२५ मा रिलिज हुनेछ । यद्यपि रिलिज मिति भने अझै जानकारी गराइएको छैन । तर, मेकरले सन् २०२५ मै प्रदर्शन गर्ने तयारी गरिएको विभिन्न अन्तराष्ट्रिय मिडियाले उल्लेख गरेका छन् ।

निर्माण टिमका अनुसार यो सिरिजको अन्तिम भाग आगामी जुनसम्म रिलिज हुने सम्भावना रहेको भेराइटीले जनाएको छ ।