काठमाडौँ– पछिल्लो समयको लोकप्रीय गायिका रचना रिमाल र उदयमान गायक मनोज खनालको नयाँ गीत ‘मायाको सानो घर’ सार्वजनिक भएको छ ।
शुक्रबार साँझ मदन शर्मा नामक यूट्युब च्यानलबाट सार्वजनिक भएको उक्त गीतमा सुकमान मृदुल र करुणा केसीको अभिनय रहेको छ ।
उक्त गीतमार्फत पछिल्लो समयको जल्दोबल्दो समस्याका रुपमा रहेको सहकारी ठगी र त्यसले गरिखाने वर्गलाई विषयलाई उठान गरिएको छ ।
स–सानो लगानी गरेर बचत गर्ने बचतकर्ताहरुको घरबास उठेको विषयलाई सुरुमा देखाइएको छ । सहकारीको बदमासीले व्यवसाय गरिरहेका दम्पत्तिलाई गाउँ फर्किन परेको हजारौँ मान्छेहरुको कथा गीतमार्फत देखाइएको छ । शहरलाई सपनाको प्रतिविम्ब मान्ने प्रवृत्ति बढिरहेका बेला आफ्नै गाउँमा फर्किएर खुुसीसाथ जीवनयापन गरिरहेको श्रीमानश्रीमतीको कथाले धेरैको ध्यान खिच्ने देखिन्छ ।
मदन शर्माको शब्द रहेको उक्त गीतमा गायक मनोज खनालले नै संगीत भरेका हुन् । त्यस्तै उक्त म्युजिक भिडियोका विभिन्न दृष्य राजन थापाले निर्देशन गरेका हुन् ।
यो खबर पढेर तपाईलाई कस्तो महसुस भयो ?
प्रतिक्रिया