काठमाडौँ– बलिउड स्टार अभिषेक बच्चन र ऐश्वर्या राय बच्चनकी छोरी आराध्याको चर्चा अन्य स्टार किडहरु भन्दा बढी नै चल्ने गरेको छ । हालै मात्र आराध्या अध्ययनरत ‘धीरूभाई अंबानी इंटरनेशनल स्कूल’मा भएको एक शैक्षिक कार्यक्रममा अभिषेक बच्चन र ऐश्वर्या पुगेका थिए ।
कार्यक्रममा अमिताभ बच्चन उपस्थित थिए । त्यस क्रममा खिचिएका आराध्याको तस्वीरहरु अहिले सामाजिक सञ्जालमा छाइरहेका छन् ।
अहिले आठ कक्षामा अध्ययनरत आराध्या त्यहाँ नर्सरीदेखि नै भर्ना भएकी थिइन् । भारतकै टप स्कूलमा पर्ने ‘धीरूभाइ अम्बानी इन्टरनेशनल स्कूल’मा बच्चन परिवारले आराध्याको पढाइकै लागि मासिक साढे चार लाख रकम भारतीय रुपैयाँ खर्च गर्ने गरेका छन् ।
बताइए अनुसार जहाँ नर्सरी कक्षामै डेढ लाख भन्दा बढी शुल्क रहेको छ । आराध्या अध्ययनरत स्कूलमै शाहरुख खान, करीना कपुर, शाहिद कपुर, रितेश देशमुख जस्ता बलिउड स्टारहरुका सन्तानहरु छन् ।
जहाँ उद्योगपतिहरुका सन्तानहरु समेत अध्ययन गर्छन् । जुन स्कूलमा अध्ययनको अलवा अतिरिक्त क्रियाकलापहरुमा समेत विशेष ध्यान दिइन्छ । यसबाट बच्चन परिवार सन्तानको शिक्षाको लागि कति गम्भीर छन् भन्ने बुझ्न सकिन्छ ।
यो खबर पढेर तपाईलाई कस्तो महसुस भयो ?
प्रतिक्रिया