विराट अनुष्का अब लण्डन सिफ्ट हुने

काठमाडौँ- भारतीय टोलीका अनुभवी खेलाडी विराट कोहली यतिबेला अस्ट्रेलिया भ्रमणमा छन् । टेस्ट खेल्न उनी त्यता अस्ट्रेलिया पुगेका हुन् । यसैबीच कोहलीबारे एउटा महत्त्वपूर्ण खबर बाहिर आएको छ ।

एक रिपोर्टका अनुसार विराट चाँडै आफ्नो परिवारसँग बेलायतको राजधानी लण्डन सर्ने भएका छन् । यो कुरा उनका बाल्यकालका प्रशिक्षक राजकुमार शर्माले पुष्टि गरेका हुन् । अब चाँडी नै कोहली भारत छाड्ने योजनामा ​​छन् । तर यसबारेमा अझै आधिकारिक जानकारी भने दिइएको छैन ।

कोहली र उनकी श्रीमती अनुष्का शर्मा लण्डन सर्ने चर्चा लामो समयदेखि चलिरहेको थियो । प्रशिक्षक राजकुमार शर्माले हालै दैनिक जागरणलाई अन्तर्वार्ता दिने क्रममा यो खुलासा गरेका हुन । उनले भने, ‘विराट छोराछोरी र श्रीमती अनुष्का शर्मासँग लण्डन सिफ्ट हुने योजनामा ​​छन् ।

बलिउड अभिनेत्री अनुष्का शर्मा छाेरी जन्मेपछि प्रायः लण्डन बस्दै आएकी छिन् ।