एनपीएलको फाइनलमा जनकपुर बोल्टस र सुदुरपश्चिम रोयल्स भिड्दै

काठमाडौँ– नेपाल प्रिमियर लिग (एनपीएल)को फाइनल खेलमा आज हुँदैछ ।

कीर्तिपुरस्थित त्रिभुवन अन्तर्राष्ट्रिय क्रिकेट मैदानमा आज जनकपुर बोल्टस र सुदुरपश्चिम रोयल्स भिड्दैछन् ।

जनकपुर बोल्टसलाई पहिलो क्वालिफायरमा पराजित गरेर आएको सुदुरपश्चिम र दोस्रो क्वालिफायरमा कर्णाली याक्सलाई हराएर आएको जनकपुर बोल्टसबीच भव्य प्रतिस्पर्धा हुँदैछ । जुन खेल अपराह्न १२ बजेबाट शुरु हुनेछ ।

प्ले अफमा जानुअघि १२ अंकका साथ शिर्ष स्थानमा सुदुरपश्चिम थियो भने जनकपुर १० अंकसहित दोस्रो स्थानमा रहेको थियो ।

आज हुने भव्य फाइनलका बिजेताले १ करोड १० लाख नगद पुरस्कार प्राप्त गर्नेछन भने उपविजेता टोलीले ५१ लाख नगद पुरस्कार प्राप्त गर्नेछन् । साथै, तेस्रो स्थान र चौथौं स्थानमा रहेका टोलीले क्रमशः २५ लाख र १५ लाख प्राप्त गर्नेछन् ।