अजय देवगनको ‘दे दे प्यार देः२ ’को रिलिज मिति स्थगित

काठमाडौँ – बलिउड स्टार अजय देवगनको रोमान्टिक कमेडी ‘दे दे प्यार देको सिक्वेल’ पुर्व निर्धारित मिति स्थगित गरिएको छ । अंशुल शर्मा द्वारा निर्देशित, ‘दे दे प्यार दे २ मे १, २०२५ मा ठूलो पर्दामा आउने भनिएको थियो, अब सो फिल्म १४ नोभेम्बर, २०२५ मा मात्रै रिलिज हुनेछ । जुन मिति अब देवगनको क्राइम थ्रिलर ‘रेड २’ ले लिएको छ।

टि सिरज र लभ फिल्मद्वारा निर्मित दे दे प्यार देः २ मा अजय देवगनले रकुल प्रीत सिंहको साथमा आफ्नो भूमिका दोहोर्याउनेछन्, जसको पहिलो भाग २०१९ मा रिलिज भएको थियो ।

पहिलो चलचित्रबाट आफ्नो चरित्र पुनः प्रस्तुत गर्न अजय देवगन फर्केका छन्। कास्टमा आर माधवन नयाँ थपिएका छन्। यस वर्षको सुपरहिट ‘शैतान’ पछि उनी अजयसँग पुनः एउटै पर्दामा देखिने भएका छन ।

सिक्वेलले रकुल प्रीत सिंहको परिवारमा आशिष ‘अजय देवगन’ र आयशा ‘रकुल’ बीचको सम्बन्धबाट उत्पन्न हुने हाँस्य घटनाहरूको वर्णन गर्नेछ। अहिले चलचित्रको छायांकन भइरहेको छ ।