कर्णालीले चितवनलाई दियो १७६ रनको लक्ष्य

काठमाडौँ–  नेपाल प्रिमियर लिग (एनपीएल) को आजको एलिमिनेटरमा कर्णाली याक्सले चितवन राइनोजलाई १७६ रनको लक्ष्य दिएको छ ।

कीर्तिपुरस्थित टीयू अन्तर्राष्ट्रिय क्रिकेट मैदानमा जारी खेलमा जयकिसन कोल्सावाला र विलियम बोसिस्टोले अर्धशतक प्रहार गरेपछि कर्णाली याक्सले ६ विकेट गुमाएर १७५ रन बनाएको हो ।

कर्णालीले टस हारेर ब्याटिङको निम्तो पाएको थियो । कर्णालीका लागि जयकिसन कोल्सावालाले ५३, विल बसिस्टोले ५२, चाडविक वाल्टनले अविजित ४६ र जिसन मक्सुदले १४ रन बनाए ।

चितवनका लागि सोहेल तन्वीरले दुई तथा शरद भेषावकर, कुशल मल्ल र रवि बोपाराले समान एक विकेट लिए ।