टम क्रुजलाई अमेरिकी नौसेनाले गर्‍यो नागरिक अभिनन्दन

काठमाडौँ– विश्वभर लोकप्रिय हलिउड अभिनेता टम क्रुजलाई अमेरिकी नौसेनाले सम्मान गरेको छ । फिल्ममार्फत ‘नौसेना र समुद्री कोरमा उत्कृष्ट योगदान’ गरेको भन्दै उनलाई सम्मान गरिएको हो ।

६२ वर्षीय टम क्रुजले फिल्म ‘टप गन’ सिरिजमा नौसेनको भूमिकामा अभिनय गरेका छन् । बेलायतमा काम गरेका टम क्रुजलाई लण्डनमा आयोजित एक कार्यक्रममा नागरिक अभिनन्दन गरिएको हो । उनलाई पदक र प्रमाण पत्र दिइएको समाचार संस्था एपीले जनाएको छ ।

टमको ‘टप गन’ सन् १९८६ को हिट फिल्म हो । सो फिल्मले टम क्रुजलाई एकाएक स्टार बनाएको थियो । त्यस्तै उनको ‘मिसन इम्पोसिबल’ सिरिज पनि उत्तिकै लोकप्रिय छ ।