काठमाडौँ- एसीसी महिला यु १९ एसिया कपको आफ्नो दोस्रो खेलमा नेपालले अहिले भारतको सामना गरिरहेको छ । खेलमा नेपालले पहिले ब्याटिङ गर्ने भएको छ ।
समूह चरणको दोस्रो तथा अन्तिम खेलमा भारतविरुद्ध नेपालले पहिला ब्याटिङ गर्ने भएको हो ।
मलेसियाको बायोमास ओभलमा जारी खेलमा भारतले टस जितेर फिल्डिङको निर्णय लिए पछि नेपाल ब्याटिङमा उत्रिन लागेको हो ।
पाकिस्तानलाइ हराएका नेपाल र भारत दुवै टोलीले सुपर फोरमा स्थान सुरक्षित गरिसकेका छन् ।
कप्तान पूजा महतोको अलराउन्ड प्रदर्शनप्रेरित नेपालले पहिलो खेलमा पाकिस्तानलाई ६ विकेटले पराजित गरेको थियो ।
पाकिस्तानले दिएको १०५ रनको लक्ष्य नेपालले १९ ओभरमा चार विकेट गुमाएर पूरा गरेको थियो भने पाकिस्तानसँगको पहिलो खेलमा भारतले ९ विकेटले बिजयी हासिल भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया