काठमाडौँ– किराती लय र धुन समेटिएको गीत ‘उहिलेको फोटो’ म्युजिक भिडियोसहित सार्वजनिक भएको छ ।
शुक्रबार सार्वजनिक भएको गीतमा पूर्वेली धुनसँगै विगतको माया, प्रेम र युगल जोडीको प्रेमिल सम्बन्धलाई वर्तमानमा स्मरण गरिएको छ ।
शाइल लिम्बूको शब्द तथा कम्पोज रहेको गीतमा शाइल र इन्द्रकला राईको स्वर रहेको छ । दिनेश माङ्मुको निर्देशन रहेको भिडियोको सम्पादन अनिल रानाले गरेका छन् ।
भिडियोमा कलाकारहरु विष्णु मोक्तान, सुस्निता लिम्बू, एम.के. योङ्हाङ र मीना नेम्बाङलाई देख्न सकिन्छ । विगतको कथालाई वर्तमानमा प्रस्तुत गर्न कलाकार मोक्तानले जीवन्त अभिनय गरेका छन् ।
भिडियोमा उनलाई युवा र वृद्ध दुवै उमेरमा देख्न् सकिन्छ ।
भिडियाे :
यो खबर पढेर तपाईलाई कस्तो महसुस भयो ?
प्रतिक्रिया