हिजो पक्राउ परेका दक्षिण भारतीय अभिनेता अल्लु अर्जुन रिहा

काठमाडौँ-  हिजो पक्राउ परेका पुष्पाः २ स्टार अल्लु अर्जुन आज बिहान रिहा भएका छन् । 

यसपछि उनको धेरै भिडियो सामाजिक सञ्जालमा भाइरल भइरहेका छन् । यसैबीच, एक क्लिपमा अभिनेताकी पत्नी स्नेहा रेड्डीले घर फर्किएपछि उनलाई स्वागत गरेको देखिएको छ ।

उनी गत हप्ता उनको फिल्म पुष्पा २ः द रुलको प्रदर्शनको क्रममा भागदौडमा एक महिलाको मृत्युसँग सम्बन्धित मुद्दामा हिजो हिरासतमा बस्नु परेको थियो । तर, उनी तेलंगाना उच्च अदालतबाट जमानत पाएपछि आज बिहानै उनी जेलबाट रिहा भएका छन् ।

यस क्रममा उनले आफ्ना फ्यानहरूलाई उनीहरूको चिन्ताको लागि धन्यवाद पनि दिएका छन । एक्समा शेयर गरिएको भिडियोमा स्नेहा रेड्डी घरबाहिर पति अर्जुनलाई पर्खिरहेको देख्न सकिन्छ। यस क्रममा उनीहरुका छोराछोरी पनि सँगै देखिएका छन् । 

यसअघि शुक्रबार अल्लु अर्जुनलाई उनको घरबाट पक्राउ गर्दा स्नेहा रेड्डी उनीसँगै थिइन् । अभिनेता आफ्नी पत्नी स्नेहालाई सान्त्वना दिँदै र चुम्बन गरेको देखिएको थियो। यसपछि उनी कफी पिउँदै गरेको पनि देखिएको थियो । भिडियोमा अभिनेताले प्रहरीलाई भनेका छन्, ‘हामी अब जान सक्छौँ । सर, मैले कफी खाइसकेकी छु ।’