काठमाडौँ– मोडल तथा अभिनेत्री एलिजा गौतम यतिबेला फुर्सदमै छिन् भन्दा केही फरक नपर्ला ।
उनका समकालीनहरु म्युजिक भिडियो र फिल्मतिर व्यस्त रहँदा उनी भने सामाजिक सञ्जालमा तस्वीरहरु सेयर गरेर आफूलाई प्रस्तुत गरिरहेकी छिन् । फिल्म ‘अनुराग’बाट नेपाली सिने क्षेत्रमा डेब्यु गरेकी एलिजाले केही म्युजिक भिडियोमा समेत काम गरिन् ।
साइन गरेको फिल्म ‘घिन्ताङ’ उनले केही समयपछि छोडिन् । साइन नै गरेको अर्को फिल्म ‘घुँइचो’को पनि अहिलेसम्म केही चहलपहल नै छैन । त्यसैले अहिले एलिजालाई फुर्सदै फुर्सद छ ।
