सुदूरपश्चिम रोयल्सले जनकपुर बोल्टसलाई दियो १२४ रनको लक्ष्य

काठमाडौँ– नेपाल प्रिमियर लिगमा आज (बुधवार) जारी पहिलो खेलमा सुदूरपश्चिम रोयल्सले जनकपुर बोल्टसलाई १२४ रनको लक्ष्य दिएको छ ।

कीर्तिपुरस्थित टीयू क्रिकेट मैदानमा जारी खेलमा सुदूरपश्चिमले टस हारेर ब्याटिङको निम्तो पाएको थियो । सुदूरपश्चिमले निर्धारित २० ओभरमा ९ विकेट गुमाएर १२३ रन बनाएको हो ।

सुदूरपश्चिमका ओपनर विनोद भण्डारीले सर्वाधिक ३३ रन बनाएका थिए, उनले ३७ बलमा तीन चौका र एक छक्का प्रहार गरे ।

यस्तै, अर्का ओपनर सैब जैबले २१ बलमा दुई छक्कासहित २१ रन बनाउन सफल भए ।