१०० वर्षको दुलहा र १०२ वर्षकी दुलही, यो हो संसारकै अनौठो विवाह

काठमाडौँ– तपाईंले प्रेमका बारेमा यो प्रसिद्ध पङ्क्ति सुन्नुभएको होला, ‘प्रेम अन्धो हुन्छ।’

तात्पर्य, जब कुनै व्यक्ति सच्चा प्रेममा पर्छ, उसले रूप, उमेर, धर्म र जातजस्ता सामाजिक बाधा र परिभाषाहरूको वास्ता नगरी शुद्ध प्रेमको आधारमा मात्र आफ्नो जीवनसाथी छान्छ।

अमेरिकाको फिलाडेल्फियाका एक जोडीले सबै सामाजिक मान्यता तोड्दै जीवनको अन्तिम वर्षमा प्रेम मात्र गरेनन्, विवाह गरेर एकअर्कालाई जीवनसाथी पनि बनाएका छन् । विशेष कुरा के छ भने यो विवाहले उनलाई गिनिज बुक अफ वर्ल्ड रेकर्डमा स्थान दिलाएको छ ।

फिलाडेल्फियाका एक जोडीले सबैभन्दा जेठो नवविवाहित जोडीको रुपमा गिनिज बुक अफ वल्र्ड रेकर्डमा आफ्नो नाम दर्ता गराएको हो । १०० वर्षीय बर्नी लिटम्यानले यसै वर्ष मे १९ मा आफ्नो ९ वर्ष पुरानो प्रेमिका मार्जोरी १०२ वर्षीयासँग विवाह गरेका छन् । दुवैको संयुक्त उमेर २०२ वर्ष हो।

विवाहको समयमा मार्जोरीको परिवारका चार पुस्ताका नजिकका व्यक्तिहरू उपस्थित थिए। यो जोडीले आफ्नो प्रेम सुरु भएको ठाउँमा अर्थात् सिनियर लिभिङ कम्युनिटीमा विवाह समारोह आयोजना भएको थियो ।

समाचार अनुसार १०० वर्षीय बर्नी लिटम्यानले १०२ वर्षीया मार्जोरीलाई एक वृद्धाश्रममा भेटेका थिए । यो प्रेमकथा करीब ९ वर्षअघि एक वृद्धाश्रमबाट भएको थियो। तिनीहरू दुवै पहिलोपटक एक पोशाक पार्टीमा भेटेका थिए ।

जहाँ तिनीहरू एकअर्काको प्रेममा परे र समयसँगै उनीहरूको सम्बन्ध बलियो हुँदै गयो। उनीहरुको सम्बन्धलाई एक कदम अगाडि बढाउँदै उनीहरुले विवाह गरेका हुन् ।

यसअघि, बर्नी र मार्जोरी दुवैले आ आफ्ना साझेदारको मृत्यु हुनुअघि ६ दशकभन्दा बढी वैवाहिक जीवनको आनन्द उठाएका थिए। यो जोडीको एउटा विशेष कुरा के हो भने उनीहरु दुबैले सानै उमेरमा पेन्सिलभेनिया विश्वविद्यालयमा अध्ययन गरेका थिए ।

बर्नीले इन्जिनियरको रूपमा काम गरेका छन् भने मार्जोरी पेसाले शिक्षिका थिइन्।