‘अभिनय नगरेको भए अन्डरवर्ल्डमा हुने थिएँ’, ७३ वर्षको उमेरमा अभिनेताले फ्यानलाई थप्पड हाने

काठमाडौँ – बलिउडमा ऋषि कपुर, गोविन्दा जस्ता धेरै कलाकारहरू छन्, जसले फ्यानलाई कुटपिट गरेका छन् । उनीहरूको कुटपिटको कथा सबैलाई थाहा छ। यस्तै अर्काे कुरा गोविन्दाले फ्यानलाई सार्वजनिक रुपमा थप्पड हानेपछि अदालत जानुपरेको थियो । डिसेम्बर २० मा रिलिज हुन लागेको फिल्मको सेटमा पनि यस्तै भएको छ ।

अनिल शर्मा निर्देशित फिल्म ‘वनवास’ को सेटमा नाना पाटेकरले एक फ्यानलाई थप्पड हानेपछि यो घटनाले सामाजिक सञ्जालमा निकै चर्चा पायो । नाना पाटेकरले भर्खरै एक अन्तर्वार्तामा यो घटनालाई उल्लेख गर्दै अभिनयमा नआएको भए आफू अन्डरवर्ल्डमा हुने बताएका छन् ।

युट्युबर सिद्धार्थ काननलाई दिएको अन्तर्वार्तामा नाना पाटेकरले भनेका थिए, ‘मानिसहरू मसँग डराउँथे । म धेरै हिंस्रक थिएँ र धेरै कुरा गर्दिन। अब म धेरै कम हिंस्रक भएको छु। म आफ्नो कर्मबाट कुरा गर्थें तर आज पनि कसैले मलाई जिस्काउछ भने म उसलाई छोड्दिन । यदि म अभिनयमा नआएको भए म अन्डरवर्ल्डमा हुने थिएँ र यो कुरा मैले ठट्टामा भनेको होइन ।

नाना पाटेकरले आगामी फिल्म ‘वनवास’ को सेटमा फ्यानलाई थप्पड हानेका थिए । यो कुराले गति लिएपछि अभिनेताले न्युज १८ शोसासँग कुरा गर्दै आफ्नो कार्यलाई गलत ठहर गर्दै आफूले यस्तो गर्न नहुने बताउका छन् ।

नानाले आफ्नो अन्तर्वार्तामा फ्यान शटको बीचमा सेल्फी लिन आएका कारण आफू रिसाएको बताएका थिए । यदि उनी दृश्य पछि आएका भए तस्बिर क्लिक गर्न उनलाई कुनै समस्या हुने थिएन।

नाना पाटेकरको नाम विवादमा परेको यो पहिलो पटक भने होइन । अभिनेत्री तनुश्री दत्तले अभिनेतामाथि यौन उत्पीडनको आरोप लगाएकी थिइन् । उनी MeToo आन्दोलनका बेला फिल्मको सेटमा नाना पाटेकरले आफूसँग दुर्व्यवहार गरेको खुलासा गरेका थिइन्।