कहिले विवाहित अभिनेतासँग अफेयर, कहिले व्यवसायीसँग तर किन तोडिन यी अभिनेत्रीले इन्गेजमेन्ट ?

काठमाडौँ – सुस्मिता सेन, तब्बु, अमिषा पटेल लगायत धेरै अभिनेत्रीहरु छन् जसको नाम एक–दुई नभई धेरै व्यक्तिसँग जोडिएको थियो तर पनि उनीहरुले साँचो प्रेम पाएनन् । धेरै मानिससँग जोडिए पनि यी अभिनेत्रीहरु अविवाहित छन् ।

साउथ फिल्म इन्डस्ट्रीमा पनि तीन पटक प्रेम गर्ने मौका दिएकी एक सुन्दरी छिन्, तर उनी आज ४१ वर्षको उमेरमा पनि साँचाे मायाको खोजीमा छिन् ।

तृषा कृष्णन एक दक्षिण भारतीय अभिनेत्री हुन्, जसले आफ्नो उत्कृष्ट अभिनयले दर्शकहरूमा ठूलो छाप छोडेकी छिन्। साउथ फिल्ममा आफ्नो अभिनय क्षमता प्रमाणित गरेपछि उनले हिन्दी फिल्ममा प्रवेश गरिन्, तर बलिउडमा उनले अभिनेत्रीले खोजेको सफलता पाउन सकिनन् ।

तृषा कृष्णनले सन् २०१० मा अक्षय कुमारको फिल्म ‘खट्टा मीठा’ बाट बलिउडमा डेब्यु गरेकी थिइन् तर त्यसपछि उनी हिन्दी फिल्मबाट टाढा भइन् र साउथ फिल्ममा काम गर्न फर्किइन् ।

अभिनेत्रीले आफ्नो फिल्मका लागि मात्र नभई आफ्नो व्यक्तिगत जीवनका लागि पनि धेरै चर्चामा आएकी छिन् । उनीहरुको सम्बन्ध बारम्बार चर्चामा रहन्छ । त्रिशा कृष्णनको नाम साउथका दुई ठूला सुपरस्टारसँग जोडिएको थियो तर उनको सम्बन्ध कसैसँग पनि लामाे समय टिक्न सकेन् ।

सन् २००५ मा तृषा कृष्णन र थालापथी विजयको सम्बन्धले निकै चर्चा पायो । यी दुबै कलाकारले फिल्म ‘गिल्ली’ मा सँगै काम गरेका थिए र त्यही क्रममा उनीहरु एकअर्काको नजिक आएका थिए । तृषा कृष्णनसँग जोडिएपछि अभिनेता थालापथी विजयले विवाह गरिसकेका थिए । खबरका अनुसार अभिनेताको वैवाहिक जीवनमा हलचल मच्चाएको थियो ।

मिडिया रिपोर्टका अनुसार तृषा कृष्णनसँगको बढ्दो निकटताका कारण थालापथी विजयको वैवाहिक जीवनमा उथलपुथल आएको थियो । आफ्नी श्रीमतीसँगको उनको असहमति व्यापक रूपमा चिनिएको थियो।

तर, थालापथी विजयले उनीहरुको सम्बन्धबारे सार्वजनिक रूपमा कहिल्यै टिप्पणी गरेका छैनन् । सुपरस्टार थालापथी विजयसँग आफ्नो नाम जोडेकोमा त्रिशा कृष्णनले दुवै जना सह-कलाकार मात्र भएको र आफ्नो नामलाई अभिनेतासँग जोडेर आफ्नो छविमा आँच पुर्याएको बताइन् ।

थालपथी विजयपछि तृषा कृष्णनको जीवनमा ‘भल्लालदेव’ राणा दुग्गाबती प्रवेश गरे । त्रिशा र राणा दुग्गाबती धेरै अवसरमा सँगै देखिएका छन् । साउथ फिल्मको करिडोरमा यो जोडीले बिहे गर्ने चर्चा थियो तर हुन सकेन । विवाहको कुरा पुग्नुअघि नै दुवैको ब्रेकअप भयो ।

दुई सुपरस्टारसँग आफ्नो नाम जोडेपछि त्रिशा कृष्णनले एक व्यापारीसँग इन्गेजमेन्ट गरेर आफ्नो नयाँ जीवन सुरु गरिन् । उनले २३ जनवरी २०१५ मा वरुण मनियनसँग इन्गेजमेन्ट गरेकी थिइन् । यो जोडी विवाह गर्न तयार थिए तर एक्कासि अभिनेत्रीले इन्गेजमेन्ट तोडिन् ।

टुटेको इन्गेजमेन्टको बारेमा कुरा गर्दै अभिनेत्री तृषा कृष्णनले सामाजिक दबाबका कारण आफू बिहे गर्न नचाहेको बताइन् । जबरजस्ती विवाह गरेपछि सम्बन्धविच्छेद गर्नुपर्ने हुन्छ, त्याे भन्दा अगाडि नै बरू इन्गेजमेन्ट तोड्दा राम्राे हुने भएकाले ताेडेकाे उनको भनाइ छ ।