काठमाडौँ– उच्च पहाडी भेगको शेर्पा समुदाय, उनीहरुको बोन परम्परा र संस्कृतिलाई चित्रण गरिएको फिल्म ‘कार्साङ’को टिजर सार्वजनिक गरिएको छ ।
बुधबार सार्वजनिक भएको टिजरमा अभिनेता दयाहाङ राईलाई झाँक्रीको भूमिकामा देख्न सकिन्छ । जसमा उनले भोगेको गरिबी र अभाव देखाइएको छ ।
फिल्ममा दयासँगै जितु नेपाल, दीया मास्के, सिर्जना निङलेखु, बुद्धि तामाङ, डोमा ह्योल्मो, प्रेम लोप्चन, सृष्टि गौतम, कविता आले, सुरवीर पण्डितलगायतका कलाकारहरुको पनि अभिनय रहेको छ ।
याम शेर्पाको निर्देशन र पटकथा रहेको फिल्ममा पुरुषोत्तम प्रधानको निर्माण र छायांकन रहेको छ । फिल्मलाई यार्सा फिल्म्स र पुरुषोत्तम प्रधान फिल्म्सको प्रस्तुतिमा निर्माण गरिएको हो ।
यसमा सह–निर्माता गोविन्द बोहरा, कार्यकारी निर्माता आङछिरिङ शेर्पा छन् । फिल्मको प्रदर्शन मिति पुस २६ गतेलाई तय गरिएको छ ।
भिडियाे :
यो खबर पढेर तपाईलाई कस्तो महसुस भयो ?
प्रतिक्रिया