काठमाडौँ– भिष्म जोशीको लेखन तथा निर्देशन रहेको म्युजिकल सर्ट फिल्म ‘कोठा’ सार्वजनिक भएको छ । उक्त भिडियो शनिवार युट्युबमार्फत सार्वजनिक गरिएको हो ।
भिडियोमा अध्ययनका सिलसिलामा काठमाडौँमा कोठा भाडामा लिएर बस्ने एक युवकको कथा देखाइएको छ । सो भिडियोमा प्रविन के पाण्डे, सवि थापा, सरोज खड्का, कल्पना शाही, शीतल पाण्डे लगायतका कलाकारको अभिनय देख्न सकिन्छ ।
कोठामा बस्ने युवकको सङ्घर्षलाई मनोवैज्ञानिक तबरले व्यक्त गरिएको यो भिडियोमा उसको एकतर्फी प्रेमलाई पनि मीठो ढंगले प्रस्तुत गरिएको छ । गीतका शब्द देव व्रत र भिष्म जोशीले लेखेका हुन् ।
यस्तै भिडियोको सम्पादन धिरज अधिकारी र रिदेन श्रेष्ठले गरेका हुन् भने छायांकन सरोज श्रेष्ठले गरेका हुन् । उक्त म्युजिकल भिडियोलाई आर्ट घरले बजारमा ल्याएको हो ।
भिडियो हेर्नुहोस्:
यो खबर पढेर तपाईलाई कस्तो महसुस भयो ?
प्रतिक्रिया