एनपीएलको पहिलो खेलमा जनकपुर बोल्ट्ससँग विराटनगर किङ्ग्स पराजित

काठमाडौँ- नेपाल प्रिमियर लिग एनपीएलको पहिलो खेलमा जनकपुर बोल्ट्सले विराटनगर किङ्ग्सलाई पराजित गरेको छ ।

कीर्तिपूरस्थित टीयू मैदानमा भएको खेलमा जनकपुरले विराटनगरलाई ८ विकेटले पराजित गरेको हो । विराटनगरले दिएको १ सय २८ रनको लक्ष्य पछ्याउँदै जवाफी ब्याटिङमा उत्रेको जनकपुरले १५ ओभर ३ बलमा २ विकेट गुमाएर १ सय ३१ रन बनायो ।

जनकपुरका लागि लहिरु मिलान्थाले ५३ बलमा ७५ रन बनाए । त्यसैगरी हर्ष थाकेरले ३३ बलमा २९ रन बनाए । विराटनगरका क्रिश सोल र प्रतिश जीसीले समान एक विकेट लिए ।

त्यसअघि टस हारेर पहिले ब्याटिङ गरेको विराटनगर १९ ओभरमा १ सय २७ रन बनाउँदै अल आउट भयो ।

यससँगै जनकपुर बोल्ट्सले १ सय २८ रनको लक्ष्य पाएको छ ।

विराटनगरका लागि न्युजिल्याण्डका मार्टिन गप्टिलले सर्वाधिक ५५ रन बनाए । ४३ बल खेलेका उनले ७ चौका र एक छक्का प्रहार गरे । ओमानी खेलाडी अकिब इलियासले १८ बलमा १५ रनको योगदान दिए ।

जनकपुरका ललीत राजवंशीले शानदार बलिङ गर्दै ३ विकेट लिए । त्यस्तै, हर्ष थाकेर र किशोर महतोले समान २ विकेट लिए । किशोर महतोले २ विकेट लिए भने बेन माइक र मोहम्मद मोहसिनले १–१ विकेट लिए ।