काठमाडौँ– लोक गायक बद्री पंगेनीको गीत ‘कन्या राशी’मा उनले छोरी बिहानी पंगेनीलाई अभिनय गराएका छन् ।
बिहानीको यो डेब्यु अभिनय हो । अन्तरजातीय प्रेम कथामा आधारित १६ मिनेटको भिडियोमा हिन्दु युवती र मुसलमान युवकबीचको प्रेम सम्बन्ध र हार्दिकतालाई प्रस्ततु गरिएको छ ।
म्युजिकल फिल्मकै संरचनामा तयार गरिएको गीतमा नारायण ज्ञवालीको शब्द तथा सङ्गीत बद्रीकै रहेको छ । गीतमा बद्री र समीक्षा अधिकारीको स्वर समावेश छ ।
प्रशान्त मगरको नृत्य निर्देशन रहेको गीतको भिडियोमा कलाकारहरु प्रभात पल ठकुरी, अशोक पंगेनी, हमिद मियाँ, भवानी पंगेनी, श्याम पटेलले अभिनय गरेका छन् । भिडियोको निर्देशन गायक बद्रीकै रहेको छ ।
भिडियो:
यो खबर पढेर तपाईलाई कस्तो महसुस भयो ?
प्रतिक्रिया