कपिल शर्मा शोमा गोविन्दा र कृष्णाको भेट

काठमाडौँ- हाँस्य अभिनेता कृष्णा अभिषेक र गोविन्दाबीचको दरार कसैबाट लुकेको छैन । जसका कारण सुपरस्टार गोविन्दाकी पत्नी सुनिता आहुजाले कृष्णा उनको शोको हिस्सा भएकाले आफूहरू ‘द ग्रेट इन्डियन कपिल शो’को हिस्सा नबन्ने बताएकी थिइन् ।

तर यसैबीच कपिल शर्माको नेटफ्लिक्स शोको नयाँ प्रोमो सार्वजनिक भएको छ, जसमा ‘द ग्रेट इन्डियन कपिल शो’ कृष्णाका मामा अर्थात् गोविन्दा, शक्ति कपूर र चंकी पाण्डे पुगेका छन् । अर्को एपिसोडको प्रोमोमा कपिल शर्माले गोविन्दा, चंकी पाण्डे र शक्ति कपूरलाई स्टेजमा स्वागत गरेको देखिन्छ ।

पछिल्लो समय सुटिङ दुर्घटनापछि चिची अर्थात गोविन्दा फिट एन्ड फाइन भएर भित्रिएको देखिन्छ । जहाँ उनी शक्ति कपुरलाई उनको अफेयरको बारेमा चिढ्याउँदै गरेको देखिन्छ । त्यहाँ कृष्णा प्रवेश गर्छन् ।

त्यसपछि मामा र भान्जाले अँगालो हालेको देखिन्छ । जबकि कृष्णाकी बहिनी आरती दर्शकमा बसेर भावुक बनेको देखिन्छ । अगाडि कृष्णा भन्छन्, ‘धेरै समयपछि भेट भएको छ, अब म तिमीलाई मर्न दिन्न । कृष्णाले किकु शारदालाई गधा भनेका छन् भने गोविन्दाले पनि गधाको नाम लिएको देखिन्छ ।