खलनायक बनेपछि बदलियो फ्लप हिरो अर्जुन कपूरको भाग्य

काठमाडौँ – बलिउड स्टार अर्जुन कपूर हालै आफ्नो फिल्म ‘सिंघम अगेन’ मा खलनायकको भूमिकामा निकै चर्चामा आएका छन् । लामो समयसम्म नायकको रुपमा बक्स अफिसमा फ्लप रहेका अर्जुन कपुरले खलनायक बनेपछि आफ्नो करियर पुनः ट्रयाकमा फर्किएकाे बताएका छन् ।

हालैको एक अन्तर्वार्तामा अर्जुन कपुरले आफू केही समयदेखि तौल बढ्ने समस्याबाट चिन्तित रहेको बताएका थिए । अब अर्जुन कपूर यो समस्याको सामना गर्न तयार छन्। अर्जुन कपुर अहिले जिममा धेरै पसिना बगाउँछन् । अर्जुनले आफ्नो कसरतको तस्विर पनि फ्यानसँग सेयर गरेका छन् ।

अर्जुन कपुरको करियर एकपटक फेरि ट्रयाकमा फर्किएको छ । अर्जुन कपूर पनि आफ्नो फिल्म सिंघम अगेनको बक्स अफिस सफलतापछि निकै खुसी छन् । केही समयदेखि समस्यामा परेका अर्जुन कपुरले आफू तौल बढ्ने समस्याबाट त्रसित भएको बताएका थिए ।

अहिले अर्जुन कपुरले पनि यसको उपचार सुरु गरिसकेका छन् । अर्जुन कपुरले आफ्नो कसरतको तस्विर आफ्ना फ्यानसँग सेयर गरेका छन् । यी तस्विरहरू सेयर गर्दै अर्जुनले लेखेका छन्, ‘बुधवारको कसरत सकियो।’

अर्जुन कपुर बलिउडका दिग्गज निर्माता बोनी कपुरका छोरा हुन् । अर्जुन कपुरले बलिउडमा अहिलेसम्म १२ वर्षको यात्रा समेटिसकेका छन् । अर्जुन कपुरले आफ्नो १२ वर्षको करियरमा २६ भन्दा बढी फिल्ममा काम गरेका छन् ।

अर्जुन कपुरले २०१२ मा आएको फिल्म इशकजादेबाट आफ्नो करियर सुरु गरेका थिए । यस फिल्ममा अर्जुन कपूरसँग परिणिती चोपडा मुख्य भूमिकामा देखिएकी थिइन् । अर्जुन कपूरको पहिलो फिल्म बक्स अफिसमा हिट भएको थियो । त्यसपछि उनले चलचित्रमा काम गरिरहे ।

तर, पछिल्ला केही वर्षदेखि अर्जुनका फिल्महरू बक्स अफिसमा नराम्ररी फ्लप भइरहेका थिए । जसका कारण अर्जुन कपुरले रोहित शेट्टीको फिल्म सिंघम अगेनमा खलनायकको भूमिका निभाएका छन् । अर्जुनले यो क्यारेक्टरको निकै तारिफ पनि पाएका छन् ।