रामचरण र कियारा आडवाणीको फिल्म गेम चेन्जरको रिलिज मिति तय

काठमाडौँ – तेलुगु सुपरस्टार राम चरणको फिल्म ‘गेम चेन्जर’ यस वर्षको बहुप्रतिक्षित फिल्म मध्ये एक हो । अभिनेताले आफ्नो आगामी फिल्मको सुटिङ पनि पूरा गरिसकेका छन् ।

एस शंकर निर्देशित फिल्ममा रामचरणसँग कियारा आडवाणी देखिनेछिन् । फिल्मको पोस्टरले दर्शकमा फिल्मको उत्साह बढाएको छ । अहिले निर्माण पक्षले चलचित्रको प्रदर्शन मिति घोषणा गरेको छ ।

यो महिनाको सुरुमा रामचरणले फिल्मको सुटिङ पूरा गरेको घोषणा गरेका थिए । इन्स्टाग्राममा अभिनेताले फिल्मको सेटमा पहिलो दिन र सुटिङको अन्तिम दिनको तस्विर पनि सेयर गरेका छन् । उनले फिल्मको समापन गरेको पनि जानकारी दिएका छन् ।

‘गेम चेन्जर’ जनवरी १०, २०२५ मा थिएटरमा आउँदैछ। रामचरण र कियारा आडवाणी बाहेक अञ्जली, एसजे सूर्या, जयराम, सुनील, श्रीकान्त, समुथिराकनी र नस्सर जस्ता कलाकारहरूले गेम चेन्जरमा महत्त्वपूर्ण भूमिका खेलेका छन्।

यस फिल्ममा रामचरण आईएएस अफिसर राम मदनको भूमिकामा देखिनेछन् । फिल्ममा कियारा आडवाणीले आफ्नी प्रेमिकाको भूमिका निभाएकी छिन् भने उनी अर्को सहकर्मी आईएएस अफिसर पनि हुनेछिन् ।

शंकरले निर्देशन गरेको यो फिल्म उनको पहिलो निर्देशकीय फिल्म हो । फिल्मको पटकथा कार्तिक सुब्बाराजले लेखेका हुन् । चलचित्रमा थमनले संगीत दिएका छन् ।