काठमाडौँ – भारतीय चर्चित टिभी शो ‘तारक मेहता का उल्टा चश्मा’ फेरी नयाँ विवादमा परेको छ ।
पछिल्लो समय धेरै कलाकारले शो छोडेका छन् भने शो का निर्माता आसित मोदीसँग धेरै कलाकारको विवाद समेत भएको छ ।
यसैबीच निर्माता मोदीसँग शो का प्रमुख कलाकार दिलिप जोशी उर्फ जेठालालबीच झगडा भएको भारतीय मिडियाहरूले चर्चा गरेका छन् ।
अभिनेता दिलीप जोशी र निर्माता असित मोदीबीच शो को सेटमै केही समय अघि चर्को विवाद भएको बताइएको छ । रिपोर्टका अनुसार, जोशीले आफ्नो छुट्टीको बारेमा कुरा गर्न खोजिरहेका बेला मोदीले बेवास्ता गरेपछि विवाद बढेको थियो ।
जोशीले असितसँग कुरा गर्न खोजेको बेला उनी अभिनेता कुश शाहलाई भेट्न गएपछि जोशीले आफ्नो अपमान भएको महसुस गरेपछि विवाद बढेको बताइएको छ ।
जोशीले मोदीको कलर समातेर शो छोड्ने धम्की दिएको भारतीय मिडियाहरूले उल्लेख गरेका छन् । तर मोदीले जोशीलाई शान्त गराएको बताइएपनि विवाद कसरी मिल्यो भन्ने स्पष्ट जानकारी प्राप्त भएको छैन । जोशीको यस अघि पनि असित मोदीसँग पटक पटक झगडा गरिसकेका छन् ।
यसैबीच शो छाडेका धेरै कलाकारले मोदीको व्यवहारको गुनासो गरेका छन् । कतिपयले उनीविरुद्ध उत्पीडन र तलब रोक्का गरेको भन्दै कानुनी मुद्दासमेत दायर गरेका छन् ।
शोमा जेठालाल गड्डाको भूमिका निभाएका दिलीप जोशी सो शोसँग आबद्ध भएको १६ वर्ष भइसक्यो । उनको चरित्रमा उनको अभिनयको लागि उच्च सम्मान गरिएको छ, जुन अहिले लोकप्रिय संस्कृतिको एक हिस्सा बनेको छ ।
यो खबर पढेर तपाईलाई कस्तो महसुस भयो ?
प्रतिक्रिया