काठमाडौँ- युट्युबर हुँदै व्यवसायिक बक्सिङमा प्रवेश गरेका जेक पलले विश्वचर्चित बक्सर माइक टाइसनलाई पराजित गरेका छन् ।
शनिबार टेक्ससको डालासस्थित एटीएन्डटी स्टेडियममा भएको खेलमा सर्वसम्मत निर्णयका आधारमा जेकले टाइसनलाई पराजित गरेकाका हुन् ।
८ राउण्डसम्म चलेको खेलमा निर्णायकले पलको पक्षमा ८०–७२ अंक दिए भने दुई निर्णायकले समान ७९–७३ अंक दिए । ५८ वर्षीय टाइसन २७ वर्षीय जेक पलसँग बक्सिङ खेल्न १९ वर्षपछि रिङमा फर्केका हुन् ।
यो खेल दुई प्रतिस्पर्धीबीचको उमेर अन्तर सबैभन्दा धेरै भएको बक्सिङको औपचारिक खेल समेत बन्न पुग्यो । धेरै प्रतिक्षित खेल अपेक्षाअनुसार प्रतिस्पर्धात्मक नभएको कतिपय दर्शकले गुनासो गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया