मंगलबारको दिन कुन कुन गल्ती गर्दा हनुमान रिसाउँछन् ?

काठमाडौँ – मंगलबार हनुमान जीको मनपर्ने दिन हो। मंगलबार आज हरि बोधिनी एकादशी भएकाले पनि आजको दिन विशेष छ ।

चार महिनासम्म विष्णुका भक्तले तुलसीको व्रत गरी विशेष पूजा गर्दै आएकामा आज दामोदरसँग विवाह गरिँदैछ । आषाढ शुक्ल एकादशी अर्थात् हरि शयनी एकादशीदेखि कार्तिक शुक्ल एकादशी अर्थात् हरि बोधिनी एकादशीका दिनसम्म तुलसीको विशेष पूजा आराधना गर्ने शास्त्रीय विधि छ ।

मंगलबार हनुमानजीलाई समर्पित छ। यस दिन हनुमानको पूजा गर्ने वा व्रत बस्ने मानिसहरूले हनुमान चालिसा, सुन्दरकाण्ड आदि पाठ गर्छन्। तर यी सबै गर्न नसक्नेहरूले यस दिन के-के कुरामा ध्यान दिने जानाैं

हनुमान जी सबैभन्दा सजिलै प्रसन्न हुने देवता हुन्। आफ्ना भक्तहरूसँग धेरै प्रसन्न हुन्छन् र आशीर्वाद दिन्छन्। तर हनुमान जीलाई केही कुरा मन पर्दैन। मंगलबार यी गल्ती गर्नेलाई हनुमान जीले अशुभ फल पनि दिन्छन्। जान्नुहोस् आजको दिनमा ध्यान दिनुपर्ने कुराहरु

कपाल र नङ न काट्नुहोस् – मंगलबारको दिन कपाल र नङ काट्नु हुँदैन । यसो गर्दा हनुमानको कृपा प्राप्त नहुने जनविश्वास रहेको छ ।

मादक पदार्थ सेवन – हनुमान जी नियम र अनुशासन पालन गर्ने देवता हो। हनुमान जीलाई ड्रग्स आदि खान मन पर्दैन। जसले यो कुराको ख्याल गर्दैन, उनीहरूलाई हनुमान जीको प्रकोपको सामना गर्नु पर्छ।

हनुमान जी लाई के मन पर्छ ?

हरि बोधिनी एकादशी भगवान हनुमानलाई प्रसन्न पार्नको लागि धेरै राम्रो दिन हो। यस दिन देवताहरू जागरण गर्छन्। यस दिनदेखि भगवान् विष्णु उठेर पृथ्वीको लगाम आफ्नो हातमा लिन्छन्, त्यसैले हिन्दू धर्ममा यही दिनबाट शुभ कार्यहरू सुरु हुने, विवाह, तन्सुर, गृहकार्य जस्ता शुभ कार्यहरू शुरु हुने गरेको पाइन्छ । विशेष कुरा के छ भने यो दिन मंगलबार अर्थात् हनुमान जीको दिनबाट सुरु हुने भएकाले यस दिनको महत्व धेरै गुना बढेको छ ।

हनुमानको आशीर्वाद प्राप्त गर्न आज के-के गर्ने

मंगलबारको दिन हनुमान जीलाई सिन्दुर लगाउनुहोस, यसो गर्नाले जीवनको समस्याबाट मुक्ति मिल्छ ।
मंगलबारको दिन दान गर्दा हनुमान जी प्रसन्न हुन्छन् र आफ्ना भक्तहरूलाई संकटबाट टाढा राख्छन्।
हनुमान जी असहाय मानिसहरूलाई मद्दत गर्नमा धेरै खुसी हुन्छन्, उनले त्यस्ता मानिसहरूलाई कहिल्यै समस्यामा पर्न दिने छैन।