दीपेन्द्रको फिल्म ‘हरिबहादुरको जुत्ता’ मा प्रियंकाको इन्ट्री

काठमाडौँ– दीपेन्द्र के खनालको निर्देशनमा निर्माण हुने फिल्म ‘हरिबहादुरको जुत्ता’ मा नायिका प्रियंका कार्की अनुबन्धित भएकी छिन् । निर्देशक खनालले सामाजिक सञ्जालमार्फत प्रियंकालाई अनुबन्ध गराइएको जानकारी दिए ।

माघको तेस्रो सातादेखि फ्लोरमा जाने यो फिल्ममा यसअघि नै हरिवंश आचार्य, स्वस्तिमा खड्का र प्रकाश सपूत फाइनल भइसकेका छन् । हरिवंश आचार्यको पटकथा रहने यो फिल्ममा अभिनेता दिव्य देव, दिनेश काफ्ले लगायतका कलाकारको समेत अभिनय रहने छ ।

दीपेन्द्रले यसअघि चिसो मान्छे, आमा, धनपति, पशुपति प्रसाद लगायतका फिल्मको निर्देशन गरिसकेका छन् ।