सिङ्गापुरमा ठगी गर्ने युवा अपराधीको सङ्ख्यामा वृद्धि

काठमाडौँ – गत वर्ष सिङ्गापुरमा ४२२ जना युवाहरूले ठगी अपराध गरेका थिए । सामाजिक तथा परिवार विकास मन्त्रालयले जारी गरेको प्रतिवेदनमा ठगी अपराध सन् २०१९ को तुल्नामा २६० प्रतिशतले बढेको देखाएको छ ।

सिङ्गापुरमा २१ वर्ष मुनिका युवाहरूको अपराध दर सन् २०२२ मा प्रति एक हजार व्यक्तिमा ४.६ थियो, जुन सन् २०२३ मा बढेर प्रति एक हजारमा व्यक्तिमा ४.९ पुगेको छ । युवा अपराधीहरूले सिङ्गापुरमा गरेका शीर्ष तीन अपराध पसल चोरी, ठगी र यौन अपराध रहेको छ ।

सरकारले युवा अपराधीहरूको लागि पुनर्स्थापना सहयोग विस्तार गर्ने तथा पुनःस्थापना आवश्यकताहरू पूरा भएको सुनिश्चित गर्न युवाहरूको परिवार र सामुदायिक साझेदारहरूसँग मिलेर काम गर्ने वाचा गरेको छ ।