काठमाडौँ – पछिल्लो समय नेपाली गीत सङ्गीतमा साङ्गीतिक समूहको सक्रियता बढ्न थालेको छ ।
‘नेपथ्य’, ‘१९७४ एडी’ लगायतका साङ्गीतिक समूहले विश्व भ्रमण गरिसक्दा पोखरेली लोकपप रक साङ्गीतिक समूह ‘कन्दरा ब्याण्ड’ ले नेपालबाट भ्रमणको शुरुवात गर्दै छ ।
आफ्नो ३२ वर्षको साङ्गीतिक यात्रामा पहिलो पटक काठमाडौँमा गुन्जिँदै ‘पहिले घरदेश, अनि परदेश’ अभियान शुरू गरिने ‘कन्दरा ब्याण्ड’ का गायक (भोकलिस्ट) विवेक श्रेष्ठले जानकारी दिए ।
उनले भने, “हामीले सङ्गीत रुचाउने युवाको समूह स्थापना गरेर विश्वभर प्रस्तुति (कन्सर्ट) दिए तापनि काठमाडौँमा पहिलो पटक गुन्जिँदै छौँ । हामीले यहाँ एउटा पनि कार्यक्रम गरेका थिएनौँ, हामी आफैँ अचम्मित छौँ । त्यसकारण यो विश्व भ्रमणको शुरुवात काठमाडौँबाट गर्ने भएका छौँ, यो प्रस्तुति अविस्मरणीय बनाउन हामीले कुनै कसर बाँकी राख्ने छैनौँ ।”
कन्दराले कात्तिक शनिबार ठमेलस्थित एक क्लबमा आफ्नो साङ्गीतिक प्रस्तुति दिँदै छ । त्यसपश्चात् चितवन, बुटवल र नेपालगन्जमा दिने तय भएको गायक श्रेष्ठले जानकारी दिए ।
नेपालपछि आउँदो वर्ष सन् २०२५ मा प्रस्तुतिका लागि विश्व भ्रमणमा निस्किने छ । यस समूहमा ‘ड्रम्स’मा सुनील थापा,‘लिड गितार’मा देव लामा छन् ।
यो खबर पढेर तपाईलाई कस्तो महसुस भयो ?
प्रतिक्रिया