उचित खाना खाँदा तपाईँको शरीरमा दीर्घकालीन जोखिमहरू विकास गर्नबाट रोक्छ। अझ नयाँ अनुसन्धानहरूले हाम्रो मानसिक स्वास्थ्य र खाना बीचको सम्बन्ध देखाउँछ। यो सम्बन्धलाई “फुड–मूड ” कनेक्सनको रूपमा पनि चिनिन्छ।
मस्तिष्कको संरचना र कार्यका लागि आहार र पोषक तत्त्वहरू महत्त्वपूर्ण छन्। तपाईँको आहार छनोटहरूमा सुधारले कुनै पनि मनोवैज्ञानिक विकारको विकासको जोखिम कम गर्न सक्छ।
केही क्लिनिकल अनुसन्धानहरू छन् जसले विभिन्न प्रकारका न्यूरोकेमिकल्सलाई संकेत गर्दछ जुन निश्चित खाना र पोषक तत्त्वहरूद्वारा प्रभावित हुन्छन्।
यी चिजको सेवनले मानसिक स्वास्थ्यका लागि फाइदाजनक हुन्छ, जसले गर्दा डिप्रेसन र चिन्ताको समस्याबाट छुटकारा पाउन सकिन्छ ।
– अनाज मानसिक स्वास्थ्यका लागि फाइदाजनक हुन्छ । सम्पूर्ण अन्न को खपत धेरै तरिकामा लाभदायक मानिन्छ। सम्पूर्ण अन्नमा जटिल कार्बोहाइड्रेट र विभिन्न प्रकारका पोषक तत्त्वहरू हुन्छन्।
सम्पूर्ण अन्नले मस्तिष्कलाई ट्रिप्टोफन अव शोषित गर्न मद्दत गर्दछ। होल ग्रेन डिप्रेसन र एन्जाइटी कम गर्न पनि फाइदाजनक मानिन्छ।
– पालक र हरियो पातदार साग स्वास्थ्यको लागि पौष्टिक खाना हो। यसको सेवनले मस्तिष्कलाई पर्याप्त मात्रामा फोलिक एसिड प्राप्त हुन्छ, जसले डिप्रेसनको जोखिम कम गर्छ ।
मानसिक स्वास्थ्यका कारण निन्द्रा नलाग्ने व्यक्तिले पालकको सेवन गर्नुपर्छ । अध्ययनका अनुसार, पालकमा पाइने यौगिकहरूले वृद्ध व्यक्तिहरूमा डिमेन्सियाको जोखिम कम गर्न मद्दत गर्दछ।
– मानसिक स्वास्थ्यका लागि ड्राइ फ्रुट्स खानुपर्छ । ड्राइ फ्रुट्सलाई ओमेगा ३ फ्याटी एसिडको उत्कृष्ट स्रोत मानिन्छ । यसले डिप्रेसनसँग लड्न मद्दत गर्छ।
उदाहरणका लागि, काजूमा म्याग्नेसियमको राम्रो मात्राले मस्तिष्कलाई अक्सिजन प्रदान गर्दछ। बदाममा पाइने फेनिलालानिन नामक यौगिकले मस्तिष्कका लागि डोपामाइन र अन्य न्यूरोट्रान्समिटर उत्पादन गर्न मद्दत गर्छ।
यद्यपि, कहिलेकाहीँ मानसिक स्वास्थ्य समस्या गम्भीर हुन्छ। त्यस्तो अवस्थामा, आफै उपचार गर्ने प्रयास नगर्नुहोस् तर आफ्नो चिकित्सकलाई सम्पर्क गर्नुहोस् र आफ्नो परिवारसँग कुरा गर्नुहोस्।
यो खबर पढेर तपाईलाई कस्तो महसुस भयो ?
प्रतिक्रिया