फिल्म ‘बसन्त’ मा दिलीप रायमाझीको पनि अभिनय रहने

काठमाडौँ- फिल्म ‘बसन्त’ मा अभिनेता को पनि अभिनय रहने भएको छ । गायक तथा अभिनेता प्रकाश सपुतको निर्देशनमा रहेको यो फिल्ममा अभिनेता रायमाझीको पनि भुमिका रहने खुलेको हो ।

उनको भुमिकाबारे भने खोलिएको छैन । तर उनको अभिनय छोटो रहने निर्माण टिमले जनाएको छ । फिल्मको छायांकनको कार्य भइरहेको छ ।

यी दुईले फिल्म ‘परदेशी २’ र म्युजिक भिडिओ सहकार्य गरिसकेका छन् । फिल्म प्रकाशको कथा र संगीतमा गलबन्दी प्रोडक्सनको प्रस्तुति निर्माण हुन लागेको हो ।

फिल्ममा प्रकाश सपुत, स्वस्तिमा खड्का, प्रभात पाल ठकुरी, खड्क बहादुर पुन, शिभान्सी श्री, अनुप बराल, प्रकाश घिमिरे, कमलमणी नेपाल लगायतको अभिनय रहनेछ।

कार्यकारी निर्मातामा मोहन विश्वकर्मा, अनुरोध भट्टराई र नाना थकाली छन्। फिल्मको प्रदर्शन मिति चैत २२ गतेका लागि तय गरिएको छ ।